‘యానిమల్‌’ సినిమాను టాలీవుడ్‌లో రిలీజ్‌ చేస్తున్న విషయం తెలిసిందే. అయితే ఏదో ఓ హిందీ డబ్బింగ్‌ సినిమాలా కాదు, పెద్ద సినిమాలా ప్రచారం చేస్తున్నారు దర్శకుడు సందీప్ రెడ్డి వంగా. ఇప్పటికే భారీ స్థాయిలో ప్రచారం మొదలుపెట్టిన సందీప్ రెడ్డి వంగా… ఇప్పుడు ప్రీ రిలీజ్‌ ఈవెంట్‌కు సిద్ధమవుతున్నారు. ఈ క్రమంలో సోమవారం అంటే ఈ రోజు సాయంత్రం ప్రీరిలీజ్‌ ఈవెంట్‌ ఉంది. అన్నీ భారీగా చేస్తున్న సందీప్ రెడ్డి వంగా ఈ కార్యక్రమానికి కూడా అదే స్థాయిలో ప్రయత్నాలు చేశారు.
అందుకే ఇద్దరు అగ్ర టాలీవుడ్‌ స్టార్‌లను కార్యక్రమానికి తీసుకొస్తున్నారు. ఈ ఈవెంట్‌కి ఆ ఇద్దరు సెంటారఫ్‌ అట్రాక్షన్‌ అవ్వబోతున్నారు. అంతేకాదు ఆ ఇద్దరి కాంబోలో త్వరలో సినిమా మొదలవ్వబోతోంది. వాళ్లే ప్రముఖ దర్శకుడు ఎస్. ఎస్. రాజమౌళి, సూపర్ స్టార్ మహేష్‌బాబు. అవును #SSMB29 కాంబోను ఈ రోజు సాయంత్రం యూట్యూబ్‌లో, టీవీలో చూడొచ్చు. మల్లారెడ్డి యూనివర్సిటీలో ఉన్నవాళ్లు అయితే నేరుగానే చూడొచ్చు.
రణ్‌బీర్‌ కపూర్‌, రష్మిక మందన ప్రధాన పాత్రల్లో నటించిన సినిమా ‘యానిమల్‌’. ‘అర్జున్‌ రెడ్డి’, ‘కబీర్‌ సింగ్‌’ సినిమాలతో ఇండియన్‌ సినిమాలో తనదైన ముద్ర వేసిన సందీప్ రెడ్డి వంగా ఈ సినిమా దర్శకుడు. డిసెంబరు 1న ఈ సినిమా విడుదలవుతున్న సంగతి తెలిసిందే. ఈ క్రమంలోనే హైదరాబాద్‌లోని దూలపల్లిలో ఉన్న మల్లారెడ్డి యూనివర్సిటీలో సోమవారం సాయంత్రం ప్రీ రిలీజ్‌ ఈవెంట్‌ నిర్వహిస్తున్నారు. ఆ ఈవెంట్‌కు మహేశ్‌, రాజమౌళి ముఖ్య అతిథులుగా వస్తారు.
రాజమౌళి- మహేశ్‌ బాబు కాంబినేషన్‌లో ఓ సినిమా తెరకెక్కనున్న విషయం తెలిసిందే. అదే #SSMB29. ప్రీ ప్రొడక్షన్స్‌ దశలో ఉన్న ఈ సినిమాపై ఇప్పటికే భారీ అంచనాలున్నాయి. దీంతో ఈ కాంబో గురించి ఏ చిన్న విషయం బయటకు వచ్చినా వైరల్ అవుతోంది. ఇప్పుడు ఆ ఇద్దరూ స్టేజీ మీదకు వస్తుండేసరికి ఆసక్తి పెరుగుతోంది. అందులోనూ సందీప్ రెడ్డి వంగా ఈ కథను మహేష్‌కు తొలుత చెప్పారు అనే టాక్‌ ఉంది. ఈ విషయంలోనూ ఈ వేదిక మీద క్లారిటీ రావొచ్చు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
Home