రామ్‌చరణ్‌ అభిమానులు ఉలిక్కిపడే చిత్రం ‘వినయ విధేయ రామా’. సినిమాలో అన్నీ బాగున్నా, కూర్పు కుదరక బాక్సాఫీసు దగ్గర బొక్కబోర్లాపడింది. దీంతో ఆ సినిమా కాంబో అంటేనే భయపడుతున్నారు. అయితే ఇప్పుడు అందులోని ఓ కాంబినేషన్‌ మరోసారి వెండితెర మీద రిపీట్‌ అవ్వబోతోందని అంటున్నారు. టాలీవుడ్ వర్గాల్లో వినిపిస్తున్న ఆ పుకారు నిజమైతే ‘ఆచార్య’తోనే అది సాధ్యమవుతుందట. ‘ఆచార్య’లో రామ్‌చరణ్‌ ప్రత్యేక పాత్ర పోషిస్తున్న విషయం తెలిసిందే. అందులో చెర్రీ సరసన నటించే కథానాయిక కోసం చాలా పేర్లు వినిపిస్తున్నాయి. ఈ క్రమంలో కియారా అడ్వాణీ పేరు కూడా కొత్తగా వినిపిస్తోంది.
మెగాస్టార్‌ చిరంజీవి హీరోగా కొరటాల శివ దర్శకత్వంలో ‘ఆచార్య’ చిత్రం రూపొందుతున్న విషయం తెలిసిందే. అందులో చరణ్ సరసన రష్మిక, సమంత, సాయిపల్లవి ఇలా.. చాలా పేర్లు వినిపిస్తూ వచ్చాయి. అయితే తాజాగా చిత్రబృందం బాలీవుడ్‌ వైపు చూస్తోందట. చరణ్‌కు జోడీగా ఓ బాలీవుడ్‌ భామను తీసుకొస్తే బాగుంటుందని చిత్రబృందం భావిస్తోందట. ఇప్పటికే కొంతమంది హీరోయిన్లతో ఓ లిస్టు తయారు చేసి.. చివరికి కియారా అడ్వాణీ దగ్గర ఆగారని తెలుస్తోంది. మరి చరణ్‌తో ఉన్న గత పరిచయం మూలంగా కియారా ఒప్పుకుంటుందా లేదా అనేది ఓ ప్రశ్న అయితే. చిత్రబృందం ఆమెను ఫైనలైజ్‌ చేస్తుందా అనేది రెండో ప్రశ్న. ఎందుకంటే సినిమా పరిశ్రమలో సెంటిమెంట్లు బాగా నమ్ముతారు కదా. ఫ్లాప్‌ కాంబినేషన్‌ ఎందుకు అనుకుంటారేమో అనేది చిన్న డౌటానుమానం.
చిరంజీవి 152వ చిత్రంగా తెరకెక్కుతున్న ‘ఆచార్య’లో మెగాస్టార్‌ సరసన కాజల్‌ నటిస్తోంది. శరవేగంగా జరుగుతోన్న ‘ఆచార్య’ షూటింగ్‌కు చిన్న బ్రేక్ పడింది. నిహారిక వివాహం కోసం కొణిదెల కుటుంబం రాజస్థాన్ ఫ్లైట్‌ ఎక్కేసింది. ఆ సందడి పూర్తయ్యాక, మళ్లీ చిత్రీకరణ మొదలవుతుంది. లాక్‌డౌన్‌కు ముందే ఈ సినిమాకు పచ్చజెండా ఊపిన కాజల్‌ త్వరలోనే సెట్లోకి కాలుపెట్టే అవకాశం ఉంది. ఎన్టీఆర్‌, త్రివిక్రమ్‌ కాంబినేషన్‌లో రాబోయే సినిమాలోనూ కియారా హీరోయిన్ అనే వార్తలు వస్తున్నాయి. ఈ రెండు సినిమాల గురించి ‘లక్ష్మీబాంబ్‌’ భామ స్పందిస్తుందేమో చూడాలి.
Most Recommended Video
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
బ్రహ్మీ టు వెన్నెల కిషోర్.. టాలీవుడ్ టాప్ కమెడియన్స్ రెమ్యూనరేషన్స్ లిస్ట్..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
