Mahesh Babu, Trivikram: యంగ్ హీరోకి త్రివిక్రమ్ ఛాన్స్..!

క్వాలిటీ సినిమాలను తెరకెక్కించడంతో మాలీవుడ్ స్టయిలే వేరే. అక్కడ ఎన్నో దశాబ్దాలుగా మంచి మంచి సినిమాలు వస్తున్నాయి. గొప్ప గొప్ప టెక్నీషియన్లు, ఆర్టిస్ట్ లు ఉన్నారక్కడ. కాకపోతే అక్కడ మార్కెట్ చిన్నది కావడంతో చాలా ఏళ్లు మలయాళ సినిమాలు వేరే భాషలకు రీచ్ కాలేకపోయాయి. కానీ ఇప్పుడు ఓటీటీ హవా పెరగడంతో మలయాళ సినిమా రీచ్ పెరిగింది. ఇప్పుడు ఆ భాషా చిత్రాలకు కూడా అందరూ బాగా చూస్తునానరు.

అక్కడి దర్శకులు, నటుల టాలెంట్ గురించి ప్రతి ఒక్కరికీ అర్ధమవుతోంది. ఈ క్రమంలోనే మలయాళ నటీనటులకు వేరే భాషల సినిమాల్లో అవకాశాలు వస్తున్నాయి. తెలుగు, హిందీ భాషల్లో కూడా మలయాళ నటుల డిమాండ్ పెరిగింది. జయరాం, ఉన్ని ముకుందన్, ఫహద్ ఫాజిల్.. ఇలా చాలా మంది నటులు తెలుగులోకి ఎంట్రీ ఇచ్చారు. ఇప్పుడు మరో మలయాళ టాలెంటెడ్ హీరో టాలీవుడ్ లోకి ఎంటర్ అవ్వబోతున్నారు. అతడు మరెవరో కాదు..

రోషన్ మాథ్యూ. యంగ్ హీరోగా మలయాళంలో ఎంట్రీ ఇచ్చిన రోషన్ తన పెర్ఫార్మన్స్ తో అందరినీ ఆకట్టుకుంటున్నారు. ‘కప్పెలా’ సినిమా అతడికి మంచి హిట్టిచ్చింది. అలానే ‘సీయూ సూన్’ లాంటి సినిమాల్లో కూడా నటించారు. ఓ పక్క హీరోగా నటిస్తోన్న మరోపక్క క్యారెక్టర్ ఆర్టిస్ట్ గా కూడా వెండితెరపై కనిపిస్తున్నారు.

బాలీవుడ్ లో కూడా ఇతడికి అవకాశాలు వస్తున్నాయి. ఇప్పుడు త్రివిక్రమ్.. మహేష్ బాబు హీరోగా తెరకెక్కించనున్న సినిమాలో రోషన్ ను కీలకపాత్ర కోసం ఎంపిక చేసుకున్నట్లు తెలుస్తోంది. సినిమాలో అతడి రోల్ చాలా స్పెషల్ గా ఉంటుందని చెబుతున్నారు. సెప్టెంబర్ నుంచి ఈ సినిమా షూటింగ్ మొదలుకానుంది.

లైగర్ సినిమా రివ్యూ & రేటింగ్!

Most Recommended Video

‘లైగర్’ కచ్చితంగా చూడడానికి గల 10 కారణాలు..!
మహేష్ టు మృణాల్.. వైజయంతి మూవీస్ ద్వారా లాంచ్ అయిన స్టార్ల లిస్ట్..!
‘తమ్ముడు’ టు ‘లైగర్’… బాక్సింగ్ నేపథ్యంలో రూపొందిన సినిమాల లిస్ట్..!