Jaragandi song: ‘గేమ్ ఛేంజర్’ పాట కోసం.. శంకర్ అంత ఖర్చు చేయించాడా?
March 27, 2024 / 01:29 PM IST
|Follow Us
ఈరోజు మెగా పవర్ స్టార్ రాంచరణ్ (Ram Charan) పుట్టినరోజు. దీంతో ఆయన సినిమాలకు సంబంధించిన అప్డేట్స్ రాబోతున్నాయి. ప్రస్తుతం చరణ్.. శంకర్ (Shankar) దర్శకత్వంలో తెరకెక్కుతున్న ‘గేమ్ ఛేంజర్’ (Game Changer) సినిమాలో నటిస్తున్నాడు. ఇది షూటింగ్ పూర్తయ్యాక.. బుచ్చిబాబు (Buchi Babu) దర్శకత్వంలో సినిమా చేయబోతున్నాడు. దీని తర్వాత సుకుమార్ (Sukumar) దర్శకత్వంలో సినిమా ఉంటుంది అని అధికారిక ప్రకటన రానే వచ్చింది. సో ఈ సినిమాలకి సంబంధించిన అప్డేట్స్ .. అభిమానులు ఆశిస్తారు. ఇందులో భాగంగా ముందుగా ‘గేమ్ ఛేంజర్’ నుండి ‘జరగండి..’ అనే పాటను విడుదల చేయబోతున్నారు.
గతేడాది లీక్ అయిన పాటే ఇది. కాకపోతే కొన్ని మార్పులు చేసి ఈరోజు ఫస్ట్ లిరికల్ సాంగ్ గా విడుదల చేశారు. తమన్ (S.S.Thaman) సంగీతంలో రూపొందిన ఈ పాటకి అనంత శ్రీరామ్ (Anantha Sriram) లిరిక్స్ అందించారు. శంకర్ సినిమాల్లోని పాటలు స్పెషల్ అట్రాక్షన్ గా నిలుస్తుంటాయి. పాటల కోసం కోట్లు పెట్టి సెట్లు వేయించి.. గ్రాండ్ గా చిత్రీకరిస్తూ ఉంటారు శంకర్.
ఇక ‘జరగండి’ పాట చిత్రీకరణ కోసం ఆయన ఎంత ఖర్చు పెట్టించారో తెలుసా? అక్షరాలా రూ.17 కోట్లట. ఈ పాట కోసం వేసిన సెట్, బ్యాక్ గ్రౌండ్ డాన్సర్స్, వారి కాస్టూమ్స్.. అన్నీ కలిపి అంత ఖర్చు అయినట్టు తెలుస్తోంది. ఇక సినిమా బడ్జెట్ రూ.280 కోట్ల మార్క్ ను దాటేసింది. ఖర్చుకు వెనుకాడకుండా దిల్ రాజు ‘గేమ్ ఛేంజర్’ ను ఎంతో ప్రతిష్టాత్మకంగా నిర్మిస్తున్నారు. ఇది ఆయన కెరీర్లో 50 వ సినిమా అనే సంగతి తెలిసిందే.