నాని (Nani) స్క్రిప్ట్ సెలక్షన్ కి టాలీవుడ్లో చాలా మంది ఫ్యాన్స్ ఉన్నారు. స్టార్ హీరోలు సైతం నాని స్క్రిప్ట్ సెలక్షన్ కి.. అతను స్పీడ్ గా సినిమాలు చేసే విధానానికి ఫిదా అయిపోతూ ఉంటారు. నాని మాదిరి ఫాస్ట్ గా సినిమాలు చేసే హీరోలు టాలీవుడ్ కి అవసరం అని.. అభిప్రాయపడే డిస్ట్రిబ్యూటర్లు కూడా చాలా మందే ఉన్నారు. అతని జడ్జిమెంట్ కి అంత వ్యాల్యూ ఉంటుంది. కోవిడ్ తర్వాత ఎక్కువ హిట్లు కొడుతున్న ఏకైక టాలీవుడ్ హీరో అంటే నాని అనే చెప్పాలి.
అయితే కోవిడ్ తర్వాత నాని జడ్జిమెంట్ పై అనుమానాలు రేకెత్తేలా చేసిన సినిమా అంటే ‘అంటే సుందరానికీ’ అనే చెప్పాలి. ఇది తప్ప ‘శ్యామ్ సింగరాయ్’ (Shyam Singha Roy) ‘దసరా’ (Dasara) ‘సరిపోదా శనివారం’ (Saripodhaa Sanivaaram) ‘హాయ్ నాన్న’ (Hi Nanna) ‘హిట్ 3’ (HIT 3) ఇలా నాని చేసిన సినిమాలు అన్నీ మంచి విజయాలు అందుకున్నాయి. 3 ఏళ్ళ క్రితం.. అంటే 2022 జూన్ 10న రిలీజ్ అయిన ‘అంటే సుందరానికీ’ (Ante Sundaraniki) సినిమా రిలీజ్ కి ముందు మంచి హైప్ ను సొంతం చేసుకుంది. మొదటి రోజు సినిమాకు పాజిటివ్ టాక్ వచ్చింది కూడా.
కానీ జనాలను థియేటర్లకు రప్పించడంలో సినిమా సక్సెస్ కాలేదు. అందుకు కారణాలు లేకపోలేదు.. సినిమా రన్ టైం 3 గంటల పైనే ఉంటుంది. సినిమాలో వచ్చే చైల్డ్ హుడ్ ఎపిసోడ్స్ ఆడియన్స్ కి చిరాకు తెప్పించాయి. ఒకానొక టైంలో ‘ఈ రేంజ్ సోది అవసరమా’ అనిపించి సినిమా మూడ్ ను డిస్టర్బ్ చేశాయి. అలాగే నాని చెప్పే నాన్ స్టాప్ డైలాగులు కూడా కొంతమందికి కనెక్ట్ కాలేదు. క్లైమాక్స్ కూడా ఎక్కువగా సాగదీశారనే కంప్లైంట్స్ ఉన్నాయి. ఇవన్నీ రివ్యూస్ లో ఉండటాన్ని చూసి నాని కూడా డైజెస్ట్ చేసుకోలేకపోయాడు. ‘కొత్త ఆవకాయ ఊరే కొద్దీ రుచిగా ఉంటుంది’ అంటూ వివరణ ఇచ్చాడు.
కానీ అతని నమ్మకం ఫెయిల్ అయ్యింది. కానీ ఓటీటీలో మాత్రం ఈ సినిమాని ఎగబడి చూశారు. కొంతమంది నెటిజన్లు అయితే ‘ఈ సినిమా విషయంలో ఆడియన్స్ ఫెయిల్ అయ్యారు’ అంటూ తీర్పు ఇచ్చారు. కానీ ఆ తీర్పు ఇచ్చిన జనాలు మాత్రం థియేటర్లలో ‘అంటే..’ ని చూడలేదు. ఇది వాస్తవం. నేటితో ‘అంటే సుందరానికీ’ రిలీజ్ అయ్యి 3 ఏళ్ళు పూర్తి కావస్తోంది. తర్వాత నాని- వివేక్ ఆత్రేయ (Vivek Athreya) కాంబినేషన్లో చేసిన ‘సరిపోదా శనివారం’ మంచి విజయాన్ని అందుకుంది. ఆ సినిమా విషయంలో ‘అంటే..’ కి జరిగిన తప్పులు రిపీట్ చేయలేదు.
Home