Nani: బడ్జెట్ కి మించి ఖర్చు చేస్తున్నారా..?

ఎలాంటి బ్యాక్ గ్రౌండ్ లేకుండా ఇండస్ట్రీకి వచ్చి హీరోగా ఎదిగిన నటుడు నాని. లాక్ డౌన్ లో ఈ హీరో నటించిన ‘వి’ సినిమా ఓటీటీలో విడుదలైంది. కానీ ఆశించిన రేంజ్ లో సక్సెస్ కాలేకపోయింది. నానిపై ఈ సినిమా రిజల్ట్ ఎంతమాత్రం ప్రభావం చూపలేకపోయింది. ప్రస్తుతం ఈ హీరో వరుసగా సినిమాలు చేస్తున్నాడు. తక్కువ బడ్జెట్ లో సినిమాలు చేస్తూ నిర్మాతలకు భారీ లాభాలు తీసుకొస్తుంటాడు. అయితే తొలిసారి నాని సినిమా కోసం బడ్జెట్ కి మించి ఖర్చు చేస్తున్నట్లు సమాచారం.

ఈ హీరో నటిస్తోన్న కొత్త సినిమా ‘శ్యామ్ సింగరాయ్’ ఏకంగా రూ.40 కోట్ల బడ్జెట్ తో తెరకెక్కుతున్నట్లు సమాచారం. ఈ సినిమాను ముందుగా సితార ఎంటర్టైన్మెంట్స్ వాళ్లు నిర్మించడానికి ఒప్పందం కుదుర్చుకున్నారు. కానీ బడ్జెట్ ఎక్కువ అవుతుందనే కారణంతో సినిమా నుండి తప్పుకున్నారు. ఆ ప్లేస్ లోకి నీహారిక ఎంటర్టైన్మెంట్స్ అనే కొత్త బ్యానర్ వచ్చి చేరింది. దర్శకుడు రాహుల్ సాంకృత్యాన్ కోరినట్లు భారీ బడ్జెట్ తో సినిమా చేయడానికి ఈ సంస్థ ముందుకు రావడంతో.. రాజీ పడకుండా సినిమాను తెరకెక్కిస్తున్నారు.

‘శ్యామ్ సింగరాయ్’ కోసం కోల్‌కతాలో పది ఎకరాల స్థలం అద్దెకు తీసుకొని ఏకంగా రూ.6. కోట్లతో భారీ సెట్ వేసినట్లు తెలుస్తోంది. దాదాపు రెండు వారాల పాటు ఈ సెట్ లో షూటింగ్ వుంటుంది. ఈ సినిమా పీరియాడిక్ నేపథ్యంలో సాగనుంది. దీంతో ఎంతో రీసెర్చ్ చేసి ఒకప్పటి కలకత్తా నగరాన్ని చూపించబోతున్నారు. అయితే కేవలం ఒక సెట్ కోసం ఆరున్నర కోట్లు ఖర్చు పెట్టారంటే సినిమా రేంజ్ ఏంటో అర్ధమవుతుంది. మరి దానికి తగ్గట్లే సినిమా కలెక్షన్స్ సాధిస్తుందేమో చూడాలి!

Most Recommended Video

‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!