మూడో కంటికి తెలియకుండా మూడు ముళ్లు వేయించుకున్న ఆరుగురు కథానాయికలు..

ఇప్పుడంటే ఫేస్ బుక్, ట్విట్టర్, ఇన్‌స్టాగ్రామ్ వంటి సామాజిక మాధ్యమాల ద్వారా సెలబ్రిటీలకు, సామాన్యులకు మధ్య దూరం తగ్గపోయిందని కానీ ఒకప్పుడు తెరమీద, పేపర్లలోనో, పోస్టర్ల మీదో చూడడం తప్పించి వేరు మార్గం ఉండేది కాదు.. కానీ ఇప్పుడలా కాదు.. నేరుగా తమ ఫేవరెట్ స్టార్లతో లైవ్‌లో చిట్ చాట్ చేసేస్తున్నారు ఫ్యాన్స్. సెలబ్రిటీలు కూడా తమ పర్సనల్, ప్రొఫెషన్‌కి సంబంధించిన విషయాలన్నిటినీ షేర్ చేస్తుంటారు. వర్కౌట్, కుకింగ్, రీల్స్, షూటింగ్ అప్‌డేట్స్ వంటి పోస్ట్ చేస్తూ మిలియన్ల కొద్దీ ఫాలోవర్స్‌ని సంపాందించుకుంటున్నారు.

ఈరోజుల్లో లవ్, మ్యారేజ్, బ్రేకప్ వంటి విషయాలను కూడా సోషల్ మీడియా ద్వారానే వెల్లడిస్తున్నారు సెలబ్స్.. దాదాపు నటీనటుల పెళ్లి, పిల్లలు, ఫ్యామిలీ వంటి వివరాలన్నీ వికీపీడియాలో దొరికేస్తాయి కానీ ఎవరికీ తెలియకుండా రహస్యంగా పెళ్లిళ్లు చేసుకున్న వాళ్లు కూడా ఉన్నారు. కేవలం వారికి మాత్రమే తప్ప మూడో కంటికి తెలియకుండా మ్యారేజ్ చేసుకుని ఇండస్ట్రీ వర్గాల వారితో పాటు అభిమానులకు కూడా షాక్ ఇచ్చారు టాప్ హీరోయిన్స్. అలా సీక్రెట్ మ్యారేజెస్ చేసుకున్న ఆరుగురు హీరోయిన్లు ఎవరో ఇప్పుడు చూద్దాం..

1) సావిత్రి – జెమినీ గణేశన్..

అప్పటికే రెండు పెళ్లిళ్లు చేసుకున్న లెజెండరీ యాక్టర్ జెమినీ గణేశన్‌తో ప్రేమలో పడ్దారు ‘మహానటి’ సావిత్రి.. ఆయనను రహస్యంగా వివాహం చేసుకున్నారు. వీరికి విజయ చాముండేశ్వరి, సతీష్ కుమార్ సంతానం..

2) జయప్రద – శ్రీకాంత్ నహతా..

తెలుగులో టాప్ హీరోయిన్‌గా వెలిగిన లలిత కుమార్ అలియాస్ జయప్రద 1986లో నిర్మాత శ్రీకాంత్ నహతాను పెళ్లాడారు. ఆయనకు అప్పటికే భార్య, ముగ్గురు పిల్లలున్నారు. వీరి పెళ్లి విషయంలో పెద్ద హంగామా జరగడంతో చాలా సీక్రెట్‌గా ఒక్కటయ్యారు. వీరికి ఓ కుమారుడు ఉన్నాడు..

3) శ్రీదేవి – బోనీ కపూర్..

అతిలోక సుందరి శ్రీదేవి.. బాలీవుడ్ నిర్మాత బోనీ కపూర్‌ను దాదాపు రహస్యంగానే మ్యారేజ్ చేసుకున్నారు. ఆయనకు అప్పటికే భార్య, ఇద్దరు పిల్లలున్నారు. జయప్రద లానే శ్రీదేవి వివాహ విషయంలోనూ నానా హంగామా జరిగింది. వీరికి ఇద్దరు కుమార్తెలు..

4) రమ్యకృష్ణ – కృష్ణవంశీ..

స్టార్ హీరోయిన్ రమ్యకృష్ణ, ‘చంద్రలేఖ’ సినిమా టైంలో డైరెక్టర్ కృష్ణవంశీతో ప్రేమలో పడ్డారు. 2004లో వీరి వివాహం జరిగింది. ఒక రకంగా సడెన్‌గా పెళ్లి విషయం పేపర్‌లో చూసే వరకు చాలామందికి తెలియదు. వీరికి ఓ కుమారుడున్నాడు..

5) శ్రియ శరణ్ – ఆండ్రీ కొశ్చివ్..

హీరోయిన్ శ్రియ శరణ్ కూడా రష్యన్ బాయ్‌ఫ్రెండ్ ఆండ్రీ కొశ్చివ్‌ని 2018లో సీక్రెట్ మ్యారేజ్ చేసుకున్నారు. తర్వాత చాలా రోజులకు గానూ ఈ విషయాన్ని బయటకు చెప్పలేదు. వీరికి ఓ పాప సంతానం..

6) రిచా గంగోపాధ్యాయ్ – జో లంగెల్లా..

కెరీర్ పీక్స్‌లో ఉండగానే తన గోల్స్ ఫుల్ ఫిల్ చేసుకోవాలని డిసైడ్ అయ్యి.. ఎమ్‌బిఏ చెయ్యడానికి విదేశాలకు వెళ్లింది. అనుకున్నట్టుగానే వాషింగ్‌టన్ యూనివర్సిటీలో స్టడీస్ కంప్లీట్ చేసి.. తన బిజినెస్ స్కూల్ మెట్ జో లంగెల్లాను ప్రేమించి పెళ్లి చేసుకుంది. ప్రెగ్నెంట్‌గా ఉన్నప్పుడు ఈ విషయాన్ని బయట పెట్టింది. వీరికి ఓ బాబు ఉన్నాడు..