Sai Tej: సాయితేజ్‌ కోసం ‘హనుమాన్‌’ నిర్మాత రిస్క్‌ చేస్తున్నారా? అంత ఖర్చుతో..!

సినిమా కోసం సెట్స్‌ వేయడం కామన్‌.. పెద్ద సినిమా అయితే పెద్ద సెట్స్‌ వేస్తారు. చిన్న సినిమా అయితే చిన్న సెట్స్‌ వేస్తారు. ఇక్కడ చిన్నవి అంటే అటు డబ్బుల పరంగా.. భారీతనం పరంగా. ఒక్కోసారి చిన్న సినిమాకు పెద్ద సెట్స్‌ వేస్తుంటారు. అప్పుడు అవి టాక్‌ ఆఫ్‌ ది ఇండస్ట్రీగా మారుతాయి. అలా ఇప్పుడు ఓ సినిమా కోసం పెద్ద సెట్‌ వేస్తున్నారు. దీంతో ఆ నిర్మాత రిస్క్‌ చేస్తున్నారా? అని ప్రశ్నలు మొదలయ్యాయి.

Sai Tej

ఇక్కడ హీరో సాయి తేజ్‌ (Sai Dharam Tej) కాగా.. ఆ సినిమా ప్రైమ్‌ షో ఎంటర్‌టైన్‌మెంట్‌ తెరకెక్కిస్తున్న చిత్రం. రోహిత్‌.కె.పి దర్శకత్వం వహిస్తున్న ఈ సినిమాలో ఐశ్వర్య లక్ష్మి (Aishwarya Lekshmi) కథానాయికగా నటిస్తోంది. పాన్‌ ఇండియా స్థాయిలో రూపొందుతున్న ఈ సినిమా తొలి షెడ్యూల్‌ చిత్రీకరణ ఇప్పటికే పూర్తయింది. ఈ షెడ్యూల్‌లో కొన్ని యాక్షన్‌ ఘట్టాల్ని తెరకెక్కించారు. ఇప్పుడు కొత్త షెడ్యూల్‌ కోసం టీమ్‌ సిద్ధమవుతోంది.

కొత్త షెడ్యూల్‌ చిత్రీకరణ కోసం 12 ఎకరాల్లో భారీ సెట్స్‌ సిద్ధం చేసే పనిలో టీమ్‌ ఉందట. దీని కోసం భారీగా బడ్జెట్‌ను కేటాయించారు అని చెబుతున్నారు. 12 ఎకరాల్లో సెట్‌ అంటే భారీగానే ఖర్చవుతుంది. ప్రేక్షకులకు సరికొత్త అనుభవాన్ని పంచనున్న ఓ గాఢమైన కథ ఇది అని టీమ్‌ చెబుతోంది. అలాగే సాయి తేజ్‌ (Sai Tej) పూర్తి స్థాయి మాస్‌ అవతారంలో కనిపిస్తాడని చెబుతున్నారు.

అయితే, గతంలో సాయితేజ్‌ (Sai Tej) హీరోగా ఓ మాస్‌ సినిమా స్టార్ట్‌ చేసి.. మధ్యలోనే ఆపేశారు. అప్పట్లో సాయితేజ్‌ వరుస ఫ్లాప్‌లు వచ్చిన కారణంగానే ఆ సినిమాను ఆపేశారని అంటున్నారు. మార్కెట్‌ను దృష్టిలో పెట్టుకుని సినిమా చేయాల్సిన పరిస్థితి వచ్చిందని అప్పట్లో వార్తలొచ్చాయి. ఈ నేపథ్యంలో ఇప్పుడు ఈ సినిమా కోసం అంత భారీ బడ్జెట్‌, సెట్‌ కోసం అంత ఖర్చు చేయడం సరైనదేనా అనే చర్చ మొదలైంది. చూద్దాం మరి ఎలాంటి ఫలితం ఇస్తుందో?

వివాదంలో చిక్కుకున్న జానీ మాస్టర్ రెమ్యునరేషన్ తెలిస్తే షాకవ్వాల్సిందే!