స్టార్ డైరెక్టర్ అనిల్ రావిపూడి కామెడీ సినిమాలకు ఎక్కువగా ప్రాధాన్యత ఇస్తే స్టార్ హీరో బాలకృష్ణ తన కెరీర్ లో యాక్షన్ సినిమాలకు ఎక్కువగా ప్రాధాన్యత ఇచ్చారు. ఈ ఇద్దరి కాంబినేషన్ లో సినిమాకు సంబంధించి ప్రకటన వెలువడిన సమయంలో ఈ సినిమాలో బాలయ్య మార్క్ ఉంటుందా? లేక అనిల్ రావిపూడి మార్క్ ఉంటుందా? అనే ప్రశ్న వ్యక్తమైంది. అయితే భగవంత్ కేసరి టీజర్ ద్వారా అనిల్ రావిపూడి మాస్ ఆడియన్స్ తో పాటు క్లాస్ ప్రేక్షకులకు నచ్చేలా ఈ సినిమాను తెరకెక్కించారని క్లారిటీ వచ్చింది.
భగవంత్ కేసరి సినిమాలో కడుపుబ్బా నవ్వించే సీన్లు కూడా ఉన్నాయని తెలుస్తోంది. అనిల్ రావిపూడి తన జోనర్ సినిమాలను ఇష్టపడే ప్రేక్షకులను నిరాశపరచరని సమాచారం. ఈ సినిమాలో బాలయ్య శ్రీలీల బాబాయ్ కూతురు పాత్రలలో కనిపించనున్నారు. బాలయ్య తల్లి పాత్రలో జయచిత్ర కనిపించనున్నారని సమాచారం అందుతోంది. షైన్ స్క్రీన్స్ బ్యానర్ పై భారీ బడ్జెట్ తో ఈ సినిమా తెరకెక్కింది.
విడుదలకు ముందే టేబుల్ ప్రాఫిట్ అందించిన సినిమాలలో భగవంత్ కేసరి సినిమా కూడా ఒకటి కావడం గమనార్హం. బాలయ్య అనిల్ రావిపూడి ఫేవరెట్ హీరో కాగా బాలయ్యకు కెరీర్ బిగ్గెస్ట్ బ్లాక్ బస్టర్ హిట్ ఇవ్వాలన్న అనిల్ కోరిక తీరుతుందో లేదో చూడాల్సి ఉంది. బాలయ్య నెక్స్ట్ లెవెల్ స్క్రిప్ట్ లకు ప్రాధాన్యత ఇస్తుండగా అనిల్ రావిపూడి బాలయ్యను (Balakrishna) పవర్ ఫుల్ గా చూపించనున్నారని తెలుస్తోంది.
భగవంత్ కేసరి మూవీ ప్రమోషన్స్ ను కొత్తగా ప్లాన్ చేస్తున్నారని తెలుస్తోంది. బాలయ్య పొలిటికల్ కార్యక్రమాల వల్ల కొంత ఆలస్యంగా ఈ సినిమా ప్రమోషన్స్ లో పాల్గొననున్నారని సమాచారం అందుతోంది. భగవంత్ కేసరి సినిమా భారీ రేంజ్ లో ఉండనుందని ఈ సినిమా సరికొత్త రికార్డులు క్రియేట్ చేయడం ఖాయమని కామెంట్లు వ్యక్తమవుతున్నాయి.
మార్క్ ఆంటోనీ సినిమా రివ్యూ & రేటింగ్!
ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!
