Aamir Khan: ఈస్ట్ గోదావరిలో బాలీవుడ్ స్టార్ హీరో!

బాలీవుడ్ మిస్టర్ పెర్ఫెక్ట్ ఆమిర్ ఖాన్ తూర్పుగోదావరి జిల్లా కాకినాడలో సందడి చేస్తున్నారు. ఆయన నటిస్తోన్న ‘లాల్ సింగ్ చద్దా’ సినిమా షూటింగ్ కోసం ఆయన కాకినాడకు వెళ్లారు. బుధవారం అర్ధరాత్రి దాటిన తరువాత కాకినాడ చేరుకున్న ఆయన హోటల్ లో బస చేశారు. కాకినాడ–ఉప్పాడ, బీచ్‌, పోర్టు, అమలాపురం సమీపంలో ఓడలరేవు బీచ్‌ వంటి ప్రాంతాల్లో జరిగే షూటింగ్‌లో ఆమిర్ పాల్గొంటారని చిత్రబృందంలో ఒకరు తెలియజేశారు. అయితే ఆమిర్ ఖాన్ హోటల్ లోనే ఉండడంతో ఆయన కోసం బయట వెయిట్ చేసిన ఫ్యాన్స్ నిరాశతో వెనుతిరిగారు.

శుక్రవారం నుండి ఆయన షూటింగ్ లో పాల్గొంటున్నారు. బాలీవుడ్ స్టార్ హీరో కావడంతో హోటల్ లో ఆయనకు సెక్యూరిటీ పెంచారు. ఇదిలా ఉండగా.. ఆర్మీ జవాన్ జీవితం ఆధారంగా ‘లాల్ సింగ్ చద్దా’ సినిమా తెరకెక్కుతోంది. ఇందులో నాగచైతన్య ప్రత్యేక పాత్రలో కనిపించనున్నారు. హాలీవుడ్ లో వచ్చిన ‘ఫారెస్ట్ గంప్’ సినిమాకి రీమేక్ గా ఈ సినిమాను తెరకెక్కిస్తున్నారు. ఈ సినిమాలో కరీనా కపూర్ హీరోయిన్ గా నటిస్తోంది.

దాదాపు వంద కోట్ల బడ్జెట్ తో తెరకెక్కిన ఈ సినిమాలో సల్మాన్ ఖాన్, షారుఖ్ ఖాన్ లాంటి స్టార్స్ గెస్ట్ రోల్ లో కనిపించనున్నారు. అద్వైత్‌ చందన్‌ దర్శకత్వంలో తెరకెక్కుతోన్న ఈ సినిమా షూటింగ్ ఇప్పటివరకు కార్గిల్, లడఖ్, శ్రీనగర్‌ వంటి ప్రాంతాల్లో చిత్రీకరించారు.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!