మాస్ హీరోగా టాలీవుడ్ ఇండస్ట్రీలో మంచి క్రేజ్ ఉన్నప్పటికీ ఎందుకో గోపిచంద్ ఇటీవల కాలంలో మాత్రం సరైన సక్సెస్ చూడడం లేదు. ప్రతిసారి కూడా అతని సినిమాలు భారీ స్థాయిలో విడుదల అవుతున్నాయి కానీ చివరికి ఫైనల్ రిజల్ట్ లో మాత్రం ఫెయిల్ అవుతున్నాడు. ఇటీవల వచ్చిన సీటీమార్ సినిమా కూడా అనుకున్నంతగా సక్సెస్ కాలేదు. ఫస్ట్ వీకెండ్ సీటిమార్ ఒపెనింగ్స్ బాగానే అనుకున్నప్పటికి మూడు రోజుల తరువాత ఒక్కసారిగా హడావుడి తగ్గిపోయింది.
ఇక ఇప్పుడు ఆరడుగుల బుల్లెట్ సినిమాతో రాబోతున్నాడు. ఈ సినిమా గత కొన్నేళ్లుగా వాయిదా పడుతూ వస్తున్న విషయం తెలిసిందే. ఎన్నో ఆర్థిక ఇబ్బందులను దాటుకుంటూ వచ్చిన ఈ సినిమాను బి.గోపాల్ డైరెక్ట్ చేయగా నయనతార హీరోయిన్ గా నటించింది. 2012లో సెట్స్ పైకి వచ్చిన ఈ ప్రాజెక్ట్ ఫైనల్ గా 9 ఏళ్ళ తరువాత ప్రేక్షకుల ముందుకు వస్తోంది. ఈ నెల 8న విడుదల కాబోతోంది. ఇక అక్టోబర్ 8న మెగా హీరో వైష్ణవ్ తేజ్ కొండపొలం కూడా భారీగానే రిలీజ్ అవుతోంది.
క్రిష్ దర్శకత్వంలో తెరకెక్కిన ఈ సినిమాలో రకుల్ ప్రీత్ సింగ్ హీరోయిన్ గా నటించింది. ఓ వర్గం ప్రేక్షకులలో కొండపొలం మూవీపై అంచనాలు గట్టిగానే ఉన్నాయి. ఇక ఆరడుగుల బుల్లెట్ పై అయితే పెద్దగా అంచనాలు ఏమి లేవు. ప్రమోషన్స్ కూడా ఎవరు చేయడం లేదు. మరి కలెక్షన్స్ ఎంతవరకు వస్తాయో చూడాలి.
Most Recommended Video
హిట్ టాక్ వచ్చిన తర్వాత ఈ 10 సినిమాల్లో సీన్స్ లేదా సాంగ్స్ యాడ్ చేశారు..!
‘బిగ్ బాస్5’ ప్రియాంక సింగ్ గురించి ఆసక్తికరమైన విషయాలు..!
ఇప్పటవరకూ ఎవరు చూడని ‘బిగ్ బాస్5’ విశ్వ రేర్ ఫోటో గ్యాలరీ!
