మహానుభావుడు నందమూరి తారక రామారావు జీవితంలో ఎన్నో ఘట్టాలు ఉన్నాయి. అవి కొన్ని ఎన్టీఆర్ కీర్తిని ప్రపంచానికి చాటితే మరికొన్ని మచ్చగా మిగిలిపోయాయి. పేదల దేవుడిగా పేరుగాంచిన ఎన్టీఆర్ రెండో పెళ్లి చేసుకోవడంపై విమర్శలు వెల్లువెత్తాయి. ఆ సంఘటనను ఎన్టీఆర్ బయోపిక్ లో చూపిస్తారా? లేదా? అనే సందేహం చాలామందిలో ఉన్నింది. కానీ ఆ అనుమానాలను డైరక్టర్ క్రిష్ పటాపంచలు చేశారు. ఎన్టీఆర్ లైఫ్ లోని ప్రతి కీలక ఘట్టాన్ని బయోపిక్ లో ఆవిష్కరించనున్నారు. అందుకే లక్ష్మి పార్వతి కోసం కొన్ని సన్నివేశాలను రాసుకున్నారు.
ఆ పాత్రలో నటింపచేయించడానికి అలనాటి హీరోయిన్, నేటి క్యారెక్టెర్ ఆర్టిస్ట్ అయిన ఆమనిని సెలక్ట్ చేసుకున్నట్టు తెలిసింది. ఎన్టీఆర్ రెండో పెళ్ళికి దారితీసిన కారణాలు, ఆ తర్వాత జరిగిన మార్పులు ఈ సినిమాలో కళ్ళకు కట్టనున్నట్లు సమాచారం. ఎన్టీఆర్ గా బాలకృష్ణ నటిస్తున్న ఈ చిత్రం కొన్నిరోజుల క్రితం మొదటి షెడ్యూల్ ని పూర్తి చేసుకుంది. రెండో షెడ్యూల్ కి వెళ్లేముందు ఆర్టిస్టుల సెలక్షన్ పూర్తి చేయనున్నారు. అందులో భాగంగానే నారా చంద్రబాబు నాయుడి గా రానాని, అక్కినేని నాగేశ్వరరావుగా సుమంత్ ని తీసుకున్నారు. తాజాగా ఆమనిని ఎంపిక చేసుకున్నారు. సాయి కొర్రపాటి, విష్ణు ఇందూరిలతో కలిసి బాలయ్య నిర్మిస్తున్న ఈ మూవీ సంక్రాంతికి థియేటర్లోకి రానుంది.
