తొలి సినిమాతో నటిగా మంచి పేరు తెచ్చుకున్న కథానాయికగా అనన్య నాగళ్ల (Ananya Nagalla). ‘మల్లేశం’ (Mallesham) సినిమాలో ఆమె నటనను చూసి మంచి నటి తెలుగు పరిశ్రమలోకి వచ్చింది అనుకున్నారు. ఆ సినిమా తర్వాత మరో సినిమా చేసినా.. ‘వకీల్ సాబ్‌’ సినిమాతో మంచి పేరు తెచ్చుకుంది. ఆ తర్వాత వరుస సినిమాలు చేస్తున్నా ఇంకా సరైన విజయం అయితే దక్కలేదు. అయితే గతేడాది చేసిన ‘పొట్టేల్‌’ (Pottel) సినిమాకు తొలి గద్దర్‌ అవార్డు వచ్చింది.
ఇటీవల ఆ పురస్కారంతోపాటు, జ్యూరీ పురస్కారం కూడా అందుకుంది.అలా గత కొన్ని రోజులుగా వార్తల్లో ఉన్న అనన్య నాగళ్ల (Ananya Nagalla).. ఇప్పుడు మరో అంశం కారణంగా మళ్లీ వార్తల్లో కనిపిస్తోంది. దీనికి కారణం వ్యక్తిగత జీవితం గురించి కొన్ని విషయాలు చెప్పడమే. తన బ్రేకప్‌ స్టోరీని ఆమె చెప్పడం, సినిమాల్లో నటిస్తూనే ఆ ఇబ్బందిని ఎలా ఎదుర్కొంది లాంటి వివరాలు చెప్పింది.
కెరీర్‌ పరంగా ఒడుదొడుకులు, సవాళ్లను స్వీకరించడం అలవాటు చేసుకున్నానని, ప్రశంసలతోపాటు విమర్శలనూ తట్టుకున్నాను అని చెప్పుకొచ్చిది అనన్య నాగళ్ల (Ananya Nagalla).అయితే ఆ సమయంలో ప్రేమలో విఫలమైనప్పుడు ఎంతో బాధపడ్డానని తెలిపింది. ఇండస్ట్రీలోకి అడుగుపెట్టిన కొద్ది రోజులకే తన బ్రేకప్‌ అయిందని తెలిపింది. ఆ బాధను రెండేళ్ల పాటు అనుభవించానని, అయితే పనిపై ఆ ప్రభావాన్ని పడనీయలేదన తెలిపింది.
రాత్రంతా ఏడ్చేసి ఉదయాన్నే జిమ్‌కు వెళ్లిపోయేదానినని చెప్పింది. ఒక్కోసారి కారవాన్‌లో ఏడ్చేసి తర్వాత ఏమీ జరగనట్లు బయటకు వచ్చేదాన్నని చెప్పింది. ఇంట్లో వాళ్లకు కూడా ఈ విషయం తెలియదని, కేవలం స్నేహితులకు తెలుసు అని అనన్య చెప్పింది.ఇక ఆమె సినిమాల సంగతి చూస్తే.. గతేడాది నాలుగు సినిమాలు చేసింది. అలాగే బాలీవుడ్‌లో ఓ ప్రాజెక్ట్‌ చేస్తోంది. హీరోయిన్ ఓరియెంటెడ్‌ సినిమా అని సమాచారం. ఈ విషయంలో అంతకుమించి సమాచారం అయితే లేదు. త్వరలోనే టీమ్‌ నుండి సమాచారం వస్తుందని ఆమె తెలిపింది.
