పోలీసులు డబ్బు డిమాండ్ చేశారు.. పోర్న్ కేసులో నటి కామెంట్స్!

పోర్నోగ్రఫీ కేసులో ఈ ఏడాది ప్రారంభంలో అరెస్ట్ అయిన నటి గహనా వశిష్ట్ తాజాగా ముంబై పోలీసులపై సంచలన ఆరోపణలు చేసింది. ఆ కేసులో తనను అరెస్ట్ చేయకుండా ఉండాలంటే రూ.15 లక్షలు లంచంగా ఇవ్వాలని ముంబై పోలీసులు తనను డిమాండ్ చేసినట్లు శనివారం ఆమె ఆరోపించింది. తాను ఎలాంటి తప్పు చేయలేదని వారికి చెప్పినట్లు వివరించింది. కానీ ఏ కేసునైనా.. ఎవరికైనా వ్యతిరేకంగా మార్చగలమంటూ పోలీసులు తనను బెదిరించారని ఆరోపించింది.

ఆ కేసుకి సంబంధించి మరో ఇద్దరు నిందితులైన యష్ ఠాకూర్ అలియాస్ అరవింద్ కుమార్ శ్రీవాస్తవ, తన్వీర్ హష్మీల మధ్య జరిగిన వాట్సాప్‌ సంభాషణలను సైతం ఆమె ప్రస్తావించింది. పోలీసులు డబ్బు డిమాండ్ చేయడంతో వారు రూ.8 లక్షలు సిద్ధం చేసుకుంటున్నట్లు అందులో ఉందని ఆమె పేర్కొంది. పోర్నోగ్రఫీ కేసులో పోలీసులు ఆమెని ఈ ఏడాది ఫిబ్రవరిలో అరెస్ట్ చేసిన సంగతి తెలిసిందే. ఆ కేసుకి సంబంధించి సుమారు నాలుగు నెలల పాటు ఆమె జైలు జీవితం గడిపింది.

ప్రముఖ వ్యాపారవేత్త రాజ్ కుంద్రాకు చెందిన హాట్ షాట్స్ యాప్ వ్యవహారంలో ఇటీవల నమోదు చేసిన అశ్లీల చిత్రాల కేసులో కూడా పోలీసులు గహనా వశిష్ట్ పేరుని ఎఫ్ఐఆర్ లో చేర్చారు.

Most Recommended Video

ఇష్క్ మూవీ రివ్యూ & రేటింగ్!
తిమ్మరుసు మూవీ రివ్యూ & రేటింగ్!
‘నారప్ప’ మూవీ నుండీ అదిరిపోయే డైలాగులు..!