ఒకప్పటి హీరోయిన్లు రీ ఎంట్రీ ఇవ్వడం ఇప్పుడు మామూలు విషయం అయిపోయింది. ఓ టైములో తమ గ్లామర్ తో ఓ ఊపు ఊపేసిన హీరోయిన్లు తర్వాత పలు కారణాల వల్ల సినీ పరిశ్రమకి దూరమవ్వడం.. ఇప్పుడు మళ్ళీ రీ ఎంట్రీ ఇవ్వడానికి ప్రయత్నాలు మొదలు పెట్టడం జరుగుతూనే ఉంది. ఈ లిస్ట్ లో ఒకప్పటి హీరోయిన్ లైలా కూడా ఉంది. ఈమె తెలుగు ప్రేక్షకులకి సుపరిచితమే. ఎస్వీ కృష్ణారెడ్డి దర్శకత్వంలో తెరకెక్కిన ‘ఎగిరే పావురమా’ చిత్రంతో తెలుగు ప్రేక్షకులకు పరిచయమైన లైలా మొదటి చిత్రంతోనే మంచి విజయాన్ని సొంతం చేసుకుంది.
ఆ చిత్రంలో ఈమె అల్లరి పిల్లగా.. ప్రేమించిన అబ్బాయి కోసం తన పై ఆశలు పెట్టుకున్న మావయ్యకి చెప్పలేక ఇబ్బంది పడే అమ్మాయిగా ఈమె మంచి నటన కనపరిచింది. ఈ మూవీ తర్వాత ఈమెకు వరుస అవకాశాలు క్యూలు కట్టాయి. వెంకటేష్ తో ‘పెళ్ళి చేసుకుందాం’, బాలకృష్ణతో ‘పవిత్ర ప్రేమ’, వడ్డే నవీన్ తో ‘లవ్ స్టోరీ 1999’, వంటి చిత్రాల్లో ఈమె నటించింది. ఆ తర్వాత ‘నువ్వే కావాలి’ చిత్రంలో ఓ స్పెషల్ సాంగ్ లో, మిస్టర్ అండ్ మిసెస్ ‘శైలజా కృష్ణమూర్తి’ అనే సినిమాల్లో నటించింది.
ఆ తర్వాత తమిళ సినిమాల్లో నటించింది కానీ తెలుగులో చేయలేదు. 2006 లో ఓ మెహ్దీ అనే ఇరానీ బిజినెస్మెన్ ను పెళ్లి చేసుకుని సినిమాలకి గుడ్ బై చెప్పింది. ఈమె తమిళంలో నటించిన ఆఖరి చిత్రం ‘తిరుపతి’. ఈ మూవీ అదే టైటిల్ తో తెలుగులో కూడా రిలీజ్ అయ్యింది. అయితే ప్రస్తుతం కార్తీ నటిస్తున్న ‘సర్ధార్’ అనే మూవీలో లైలా ఓ ముఖ్య పాత్ర పోషిస్తుందట. రాశీ ఖన్నా హీరోయిన్ గా నటిస్తున్న ఈ మూవీ తెలుగులో కూడా డబ్ కానుంది.
‘అభిమన్యుడు’ వంటి హిట్ చిత్రాన్ని అందించిన పి.ఎస్.మిత్రన్ ఈ చిత్రానికి దర్శకుడు. మొదట లైలా ప్లేస్ లో సిమ్రాన్ ను అనుకున్నారట. కానీ ఆమె వేరే ప్రాజెక్టులతో బిజీగా ఉండడంతో దర్శకనిర్మాతలు లైలాని ఎంపిక చేసుకున్నట్టు తెలుస్తుంది.
Most Recommended Video
‘బాహుబలి’ కి ఉన్న ఈ 10 అడ్వాంటేజ్ లు ‘ఆర్.ఆర్.ఆర్’ కు లేవట..!
‘ఆర్.ఆర్.ఆర్’ మూవీ గురించి ఈ 11 ఇంట్రెస్టింగ్ విషయాలు మీకు తెలుసా?
‘పుష్ప’ తో పాటు బుల్లితెర పై రికార్డ్ టి.ఆర్.పి లు నమోదు చేసిన 10 సినిమాల లిస్ట్…?
Home