Ruhani Sharma: కళను గౌరవించడం రావాలి.. లీకైన సీన్స్ పై స్పందించిన రుహానీ శర్మ

ఇంటర్నెట్ అనేది ఒక మాయాజాలం. చెడును మంచిగా, మంచిని చెడుగా మార్చి.. తిమ్మిని బమ్మిని చేస్తుంది. అందుకు చాలా ఉదాహరణలు ఉన్నాయి. తాజాగా “ఆగ్రా” సినిమాలోని రుహానీ శర్మ (Ruhani Sharma) సన్నివేశాలు అందుకు కొత్త ఉదాహరణగా నిలుస్తున్నాయి. “ఆగ్రా” అనే సినిమా మరియు ఆ సినిమాలోని కొన్ని సన్నివేశాలు సోషల్ మీడియాలో వైరల్ అవుతున్న విషయం తెలిసిందే. ముఖ్యంగా రుహానీ శర్మ నటించిన శృంగార సన్నివేశాలు ఘోరంగా వైరల్ అయ్యాయి.

Ruhani Sharma

సినిమాలో అంతకుమించిన సన్నివేశాలు బోలెడు ఉన్నాయనుకోండి. కానీ.. రుహానీ శర్మ పాపులర్ హీరోయిన్ కావడంతో ఆమె సన్నివేశాలు మాత్రం బాగా వైరల్ అయ్యాయి. ఈ విషయమై ఇవాళ రుహానీ శర్మ సోషల్ మీడియా వేదికగా స్పందించింది. “చాలా రోజులుగా ఈ విషయమై నన్ను నేను కంట్రోల్ చేసుకుంటున్నాను. కానీ.. మేము ఎంతో కష్టపడి కేన్స్ ఫిలిం ఫెస్టివల్ లో అందరి ప్రశంసలు అందుకున్న సినిమా ఇలా ఇంటర్నెట్లో లీక్ అవ్వడం చాలా బాధగా ఉంది,

నేనేమీ ఈ సినిమా గురించి కానీ సినిమాలోని సన్నివేశాల గురించి కానీ సిగ్గుపడడం లేదు, ఎందుకంటే నా సినిమాతో అందర్నీ సంతోషపరచలేము, “ఆగ్రా” అనే సినిమాను ఆస్వాదించలేకపోవడం అనేది మీ పర్సనల్ ఛాయిస్. అంతేకానీ సినిమాను తక్కువ చేసి మాట్లాడకండి” అంటూ రుహానీ శర్మ చేసిన పోస్ట్ సోషల్ మీడియాలో చక్కర్లు కొడుతోంది.

ఇకపోతే.. ఈ “ఆగ్రా” అనే సినిమా థియేటర్లలో విడుదలవ్వడం ఎలాగో కష్టం కాబట్టి.. రుహానీ శర్మ తదుపరి చిత్రానికి ఈ క్రేజ్ & ఆమె బ్రాండ్ బాగా పనికొచ్చే అవకాశాలున్నాయి. ప్రస్తుతం ఆమెకు తెలుగులో అయితే పెద్దగా ఆఫర్లు లేవు. కాకపోతే.. ప్రస్తుతం ఆమెకు వరుస ఎంక్వైరీలు వస్తున్నాయని తెలుస్తోంది. మరి ఆమె ప్రెజన్స్ ను ఏ తెలుగు సినిమా దర్శకుడు వాడుకుంటారో చూడాలి.

అలాంటి లక్షణాలున్న హీరో మహేష్ మాత్రమే.. డైరెక్టర్ చెప్పిన విషయాలివే!