Sai Pallavi: సాయి పల్లవికి ఇష్టమైన హీరోయిన్ ఎవరో తెలుసా?

ప్రేమమ్ సినిమా ద్వారా వెండితెరకు పరిచయమైన సాయి పల్లవి ఫిదా సినిమాతో తెలుగు ప్రేక్షకుల ముందుకు వచ్చారు. మొదటి సినిమాతోనే తెలుగు ప్రేక్షకులను తన నటనతో ఫిదా చేసిన ఈమె అనంతరం తెలుగు సినిమా ఇండస్ట్రీలో వరుస సినిమా అవకాశాలను అందుకొని ఎంతో బిజీగా గడుపుతున్నారు. గ్లామర్ కు ఏమాత్రం తావు లేకుండా కథ ప్రాధాన్యత ఉన్న చిత్రాలను ఎంపిక చేసుకొని వరుస సినిమాలలో నటిస్తూ ఎంతోమంది అభిమానులను సొంతం చేసుకున్నారు.

ఇప్పటికే తెలుగులో పలువురు యంగ్ హీరోల సరసన నటించిన సాయి పల్లవి తాజాగా రానా సరసన నటించిన విరాటపర్వం సినిమా ద్వారా ప్రేక్షకుల ముందుకు వచ్చారు. ఈ సినిమా ప్రేక్షకులను నిరాశపరిచినప్పటికీ ఇందులో సాయి పల్లవి నటన మాత్రం అద్భుతంగా ఉందని ఈమె నటనకు మార్కులు పడ్డాయి.ఈ సినిమా అనంతరం గార్గి సినిమాతో ప్రేక్షకుల ముందుకు వచ్చి మంచి ఆదరణ సంపాదించుకున్నారు. ఇకపోతే ఓ ఇంటర్వ్యూలో పాల్గొన్న సాయి పల్లవి

తన సినీ కెరియర్లో తనకు ఇష్టమైన సినిమాల గురించి ఆసక్తికరమైన వ్యాఖ్యలు చేశారు.ఇకపోతే ఇప్పటివరకు తాను నటించిన సినిమాలలో తనకు నాలుగు సినిమాలంటే చాలా ఇష్టం అంటూ సినిమా పేర్లను వెల్లడించారు. ఈమె కెరియర్ లో నటించిన ప్రేమమ్, ఫిదా, శ్యామ్ సింగరాయ్, గార్గి సినిమాలంటే తనకు ఎంతో ఇష్టమని వెల్లడించారు. ఇక ఇంటర్వ్యూ సందర్భంగా తన ఫేవరెట్ హీరో సూర్య అని ఫేవరెట్ హీరోయిన్ జ్యోతిక అంటూ తెలియజేశారు.

ఇక తనకు ఎంతో ఇష్టమైన విషయాలన్నింటి గురించి కూడా ఈ సందర్భంగా ఈమె తెలియజేశారు. ఇలా సాయి పల్లవి తన ఇష్ట ఇష్టాలు గురించి తెలియ చేసినటువంటి ఈ వీడియో ప్రస్తుతం సోషల్ మీడియాలో వైరల్ గా మారింది. ఇక విరాటపర్వం సినిమా తర్వాత సాయి పల్లవి ఎలాంటి తెలుగు సినిమాలను ప్రకటించలేదు.

బిగ్ బాస్ 6 తెలుగు 21 మంది కంటెస్టెంట్స్ గురించి మీకు తెలియని ఆసక్తికరమైన విషయాలు!

Most Recommended Video

భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!