సినీ పరిశ్రమలో మరో విషాదం..ప్రముఖ హీరోయిన్ తల్లి కన్నుమూత!

సినీ పరిశ్రమకు చెందిన వారు నిత్యం ఎవరొకరు మరణిస్తూనే ఉన్నారు. కొన్నాళ్లుగా చూసుకుంటే.. మలయాళ నటుడు విష్ణు ప్రసాద్, నిర్మాత తేనెటీగా రామారావు, హిందీ కమెడియన్ రాకేష్ పుజారి, మాస్టర్ భరత్ తల్లి కమలహాసిని, ‘అదుర్స్’ విలన్ ముకుల్ దేవ్ (Mukul Dev),తమిళ నటుడు రాజేష్,హాలీవుడ్ నటి లొరెట్టా స్విట్, తమిళ నటుడు విక్రమ్ సుకుమారన్ (Vikram sugumaran), వైభవ్ కుమార్ సింగ్, షైన్‌ టామ్‌ చాకో తండ్రి సీపీ చాకో, నటి విజయ భాను, దర్శకుడు ఏ.ఎస్.రవికుమార్ చౌదరి (A.S. Ravi Kumar Chowdary), మన్నారా చోప్రా తండ్రి రామన్ రాయ్,మరాఠీ నటుడు తుషార్ ఘాడిగావకర్ వంటి వారు మరణించారు.

Sana Khan

ఇప్పుడు మరో బ్యాడ్ న్యూస్ వినాల్సి వచ్చింది. వివరాల్లోకి వెళితే.. హీరోయిన్ సనా ఖాన్ (Sana Khan) ఇంట్లో విషాదం చోటు చేసుకుంది. ఆమె తల్లి సాయిదా మరణించారు. అనారోగ్య సమస్యల కారణంగా ఆమె మరణించినట్లు సనా ఖాన్.. తన సోషల్ మీడియా ద్వారా వెల్లడించారు.

తన ఇన్స్టాగ్రామ్ ద్వారా ఆమె ఈ విషయంపై స్పందిస్తూ.. ‘నా తల్లి.. నా సర్వస్వం.. నా నుండి వెళ్లిపోయారు. అనారోగ్య సమస్యలతో బాధపడుతూ ఆమె అల్లా వద్దకు చేరుకున్నారు. అక్కడ ఆమె ప్రశాంతంగా, ఆనందంగా ఉండాలని కోరుకుంటున్నాను’ అంటూ ఆమె రాసుకొచ్చారు. అలాగే ఈ కష్టకాలంలో తమకు తోడుగా ఉన్నవారికి కూడా ప్రత్యేక కృతజ్ఞతలు తెలిపారు.

ఇక సనా ఖాన్ (Sana Khan) ఎమోషనల్ పోస్ట్ పై నెటిజన్లు స్పందించి ఆమె తల్లి ఆత్మకు శాంతి కలగాలని కోరుకుంటున్నట్టు సంతాపం తెలుపుతున్నారు. ఇక సనా ఖాన్ తెలుగులో కళ్యాణ్ రామ్ (Kalyan Ram) నటించిన ‘కత్తి’ (Kathi) ‘మిస్టర్ నూకయ్య’ ‘గగనం’ వంటి సినిమాల్లో నటించారు.

మమ్మల్ని, మా సినిమాను ఏమన్నా అంటే ఊరుకునేది లేదు: ‘కన్నప్ప’ కీలక సభ్యులు