ఈమధ్య నవీన్ చంద్ర (Naveen Chandra) నెలకి కనీసం రెండు సినిమాలతో ప్రేక్షకుల్ని పలకరించడం షరా మామూలు అయిపోయింది. ఈ ఏడాది ఆల్రెడీ ఏప్రిల్ లో “28 డిగ్రీస్ సెల్సియస్” (28 Degree Celsius) సినిమాతో ఒకసారి, మే నెలలో “బ్లైండ్ స్పాట్ (Blind Spot), 11” సినిమాలతో రెండుసార్లు పలకరించిన నవీన్ చంద్ర (Naveen Chandra), ఇప్పుడు జూలైలో “షో టైమ్” (Show Time) అంటూ ఆడియన్స్ ముందుకు వచ్చేందుకు సన్నద్ధమవుతున్నాడు.
నవీన్ చంద్ర (Naveen Chandra) సరసన కామాక్షి భాస్కర్ల నటించిన ఈ చిత్రంలో సీనియర్ నరేష్ (Naresh) కీలకపాత్ర పోషించారు. విడుదలైన ట్రైలర్ ఒక సంఘటన ఆధారంగా తెరకెక్కిన చిత్రమని చెబుతూనే, కాస్తంత ఆసక్తి రేకెత్తించింది. అయితే.. ఈ సినిమాలన్నీ నవీన్ చంద్ర (Naveen Chandra) నటించగా కొన్నేళ్ల క్రితం రూపొందిన సినిమాలు. అవన్నీ ఇప్పుడు ప్రేక్షకుల ముందుకు వస్తున్నాయి. ఈ కారణంగా నవీన్ చంద్ర నెలకోసారి ప్రేక్షకులకు కనిపిస్తున్న విషయం వాస్తవమే అయినప్పటికీ.. బోర్ కొట్టేసే అవకాశం లేకపోలేదు.
సినిమా రిలీజ్ విషయంలో నవీన్ చంద్ర (Naveen Chandra) చేసేదేమీ లేకపోయినప్పటికీ.. ఇకనైనా ఇలా వరుసబెట్టి రిలీజ్ లు లేకుండా జాగ్రత్తపడితే బెటర్. ఇకపోతే.. “షో టైమ్” కంటెంట్ పరంగా బెటర్ క్వాలిటీగా ఉంది. ముఖ్యంగా క్యాస్టింగ్ & టెక్నికాలిటీస్ బాగున్నాయి. ఒక రాత్రి జరిగే కథలా ఉంది కాబట్టి, ల్యాగ్ లేకుండా సరిగ్గా ప్లాన్ చేసుకోగలిగితే సైలెంట్ హిట్ కొట్టే అవకాశాలున్నాయి.
అయితే.. రిలీజ్ డేట్ అనేది చిన్నపాటి టెన్షన్ అని చెప్పొచ్చు. ఎందుకంటే.. జూలై 4న నితిన్ “తమ్ముడు” (Thammudu) కూడా రిలీజ్ కి రెడీగా ఉంది. ఆ సినిమా ప్రమోషన్స్ భారీ స్థాయిలో జరుగుతున్నాయి. నితిన్ (Nithiin) కి, దిల్ రాజు (Dil Raju)కి ఆ సినిమా హిట్ సాధించడం చాలా క్రూషియల్. మరి జూలై 4న “తమ్ముడు”తోపాటుగా విడుదలవుతున్న “షో టైమ్” చిత్రం ప్రేక్షకుల్ని ఏమేరకు ఆకట్టుకుంటుందో, ఏమేరకు నిలబడగలుగుతుందో చూడాలి.
Home