క్రేజీ ప్రాజెక్ట్ ని విశ్వక్ సేన్ వదులుకున్నాడా..?

November 30, 2020 / 05:29 PM ISTByFilmy Focus

Join Us

క్రేజీ ప్రాజెక్ట్ ని విశ్వక్ సేన్ వదులుకున్నాడా..?

టాలీవుడ్ యంగ్ హీరో విశ్వక్ సేన్ హీరోగా నాని నిర్మాణంలో కొత్త దర్శకుడు శైలేష్ కొలను ‘హిట్’ అనే సినిమాను రూపొందించిన సంగతి తెలిసిందే. ఈ సినిమా రిలీజైన సమయంలోనే సీక్వెల్ ఉంటుందని అనౌన్స్ చేశారు. ఇప్పుడు ఆ సీక్వే లో అడివి శేష్ నటించబోతున్నట్లు వార్తలు వినిపిస్తున్నాయి. విశ్వక్ సేన్ అందుబాటులో లేకపోవడం వలనో ఇతర కారణాల వలనో తెలియదు కానీ అడివి శీష్ లీడ్ రోల్ లో కనిపించబోతున్నట్లు చెబుతున్నారు. త్వరలోనే ఈ సినిమా షూటింగ్ మొదలవుతుందని టాక్. అయితే ఈ వార్తల్లో ఎంతవరకు నిజముందనే క్లారిటీ లేదు.

ఇప్పటికే అడివి శేష్ టాలీవుడ్ లో చాలా వరకు థ్రిల్లర్ సినిమాలు తీశాడు. ‘క్షణం’, ‘గూఢచారి’, ‘ఎవరు’ ఇలా శేష్ నటించిన సినిమాలన్నీ థ్రిల్లర్ కథలే. ఈ సినిమాలు నటుడిగా తనకు మంచి గుర్తింపును తీసుకొచ్చాయి. ఇప్పుడు ‘మేజర్’ అనే సినిమాతో పాటు ‘గూఢచారి 2’ సినిమాలో నటిస్తున్నాడు శేష్. ఈ సినిమాల తరువాత ‘హిట్’ సీక్వెల్ లో నటించబోతున్నట్లు సమాచారం. సాధారణంగా అయితే తన సినిమాలకు సంబంధించిన కథల్లో ఇన్వాల్వ్ అవుతుంటాడు శేష్.

కానీ ‘హిట్’ సినిమా విషయంలో ఆ ఛాన్స్ లేదు. సీక్వెల్ స్క్రిప్ట్ సిద్ధంగా ఉంది. ఇదిలా ఉండగా.. ఆల్రెడీ ‘హిట్’ సినిమాలో విశ్వక్ సేన్ ని చూసిన ప్రేక్షకులకు సీక్వెల్ లో మరో హీరోని చూడడానికి ఇష్టపడతారా లేదా అనే సందేహాలు ఎదురవుతున్నాయి. పైగా సినిమాకి విశ్వక్ సేన్ పెర్ఫార్మన్స్ మెయిన్ ప్లస్ పాయింట్. అలాంటిది ఇప్పుడు అతడిని పక్కన పెట్టి మరో హీరోతో సినిమా చేయాలనుకోవడం ఎంతవరకు కరెక్ట్ అనే అభిప్రాయాలు వ్యక్తమవుతున్నాయి.