కోలీవుడ్ స్టార్ హీరో కార్తి నటించిన సూపర్ హిట్ సినిమాల్లో ‘నా పేరు శివ’ కూడా ఒకటి.తెలుగులో కూడా ఈ చిత్రం ఘన విజయాన్ని సొంతం చేసుకుంది.కార్తీ హోమ్ బ్యానర్ వంటి ‘స్టూడియో గ్రీన్’ పై కె.ఇ.జ్ఞానవేల్ రాజా ‘నా పేరు శివ చిత్రాన్ని’ నిర్మించారు.కార్తీ- జ్ఞానవేల్ రాజా…కాంబినేషన్లో ఆవారా, యుగానికి ఒక్కడు వంటి సూపర్ హిట్ సినిమాలు కూడా వచ్చాయి.ఈయన సినిమాలు గ్రాండ్ మేకింగ్ వ్యాల్యూస్ కలిగి ఉంటాయి.
ఇక కార్తీ-జ్ఞానవేల్ రాజా కాంబినేషన్లో రూపొందిన మరో చిత్రం ‘మద్రాస్‌'(తమిళ్). కబాలి, సార్పట్ట పరంబరై వంటి చిత్రాలతో టాలెంటెడ్ దర్శకుడిగా పేరు తెచ్చుకున్న పా రంజిత్ ఈ చిత్రాన్ని తెరకెక్కించాడు. ఈ చిత్రం ‘నా పేరు శివ 2’ పేరుతో తెలుగులో విడుదల కాబోతుంది. సంక్రాంతి కానుకగా జనవరి 13న ‘నా పేరు శివ 2’ ప్రేక్షకుల ముందుకు రానుంది. అయితే ఇది ఇప్పటి సినిమా కాదు. ఎప్పుడో 8 ఏళ్ళ క్రితం సినిమా. పా.రంజిత్ తొలినాళ్ళలో తెరకెక్కించిన సినిమా ఇది.
అక్కడ ఇది మంచి ఫలితాన్నే అందుకుంది. అయితే ఇన్నేళ్ళ తర్వాత తెలుగు ప్రేక్షకులు ఈ చిత్రాన్ని థియేటర్ కి వెళ్ళి చూస్తారా? అనే అనుమానాలు ఇప్పుడు వ్యక్తమవుతున్నాయి. కార్తీ ఎక్కువ శాతం కొత్త దర్శకులతోనే పనిచేస్తుంటాడు. అయినప్పటికీ అతను సూపర్ సక్సెస్ లు అందుకుంటాడు. తెలుగులో కూడా హిట్ పెర్సెంటేజ్ ఎక్కువ కలిగిన తమిళ హీరోగా కూడా కార్తీ ట్రాక్ రికార్డ్ ఉంది. ఇవి ‘నా పేరు శివ2’ కి కలిసొస్తాయేమో చూడాలి..!
Most Recommended Video
ఈ ఏడాది హీరోయిన్లుగా ఎంట్రీ ఇచ్చిన భామల లిస్ట్..!
ఈ ఏడాది ప్లాపుల నుండీ బయటపడ్డ హీరోలు ఎవరో తెలుసా?
ఈ ఏడాది వివాహం చేసుకున్న సినీ సెలబ్రిటీలు..!
