ఆకాశంలో “కబాలి” పోస్టర్లు!

సినిమా ప్రమోషన్ ను బట్టి సదరు సినిమా స్థాయిని అంచనా వేస్తున్న రోజులివి. ఎంతటి స్టార్ నటుడి సినిమా అయినా ప్రమోషన్ లేకపోతే థియేటర్లకు జనాలను రప్పించడం కష్టమవుతుంది. అందుకే ఆఖరికి పవన్ కళ్యాణ్ కూడా “సర్దార్ గబ్బర్ సింగ్” సినిమా విడుదలకు ముందు నేషనల్ మీడియాకి, విడుదలయ్యాక లోకల్ మీడియాకి ఇంటర్వ్యూలు ఇచ్చాడు. దాన్ని బట్టి సినిమాకి ప్రమోషన్ ఎంత ఇంపార్టెంట్ అన్నది అర్ధం చేసుకోవచ్చు. మరి మన తెలుగు హీరోలే ఆస్థాయిలో తమ సినిమాలు ప్రమోట్ చేసుకొంటున్నప్పుడు ఆలిండియా సూపర్ స్టార్ రాజనీకాంత్ సినిమా ప్రమోషన్ ఇంకే రేంజ్ లో ఉండాలి చెప్పండి. అందుకే ఆయన ఆకాశాన్ని ఎంచుకొన్నాడు.

విషయం ఏంటంటే.. రజనీకాంత్ తాజా చిత్రం “కబాలి” పోస్టర్లను ఏకంగా ఎయిరోప్లేన్ కు అతికించనున్నారట. రోజూ దేశవిదేశాలు తిరిగే ఫ్లయిట్లకు ఈ స్టిక్కర్లు అంటించడం వల్ల సినిమాకి అంతర్జాతీయ స్థాయిలో మార్కెట్ ఏర్పడుతుంది. ఈ విధంగా ఓవర్సీస్ లోనే కాక ప్రపంచదేశాల్లోనూ “కబాలి” కలెక్షన్లు కురిపించడం ఖాయం.