2020 సంక్రాంతి కచ్చితంగా పెద్ద ఫైట్ ఉండబోతుందని ఈపాటికే అందరికీ క్లారిటీ వచ్చేసింది. అల్లు అర్జున్ హీరోగా త్రివిక్రమ్ డైరెక్షన్లో తెరకెక్కుతోన్న ‘అల వైకుంఠపురములో’ చిత్రానికి పోటీగా… మహేష్, అనిల్ రావిపూడి కాంబినేషన్లో తెరకెక్కుతోన్న ‘సరిలేరు నీకెవ్వరు’ చిత్రం పోటీగా సేమ్ డేట్ కు విడుదల కాబోతుంది. అయితే ప్రొమోషన్ల విషయంలో మాత్రం అల్లు అర్జున్, త్రివిక్రమ్ లు ముందు వరుసలో ఉన్నట్టు తెలుస్తుంది. ఇప్పటికే విడుదల చేసిన ‘సామజవరగమన’ సాంగ్ యూట్యూబ్ లో 50 మిలియన్ వ్యూస్ ను కొల్లగొట్టి సరికొత్త రికార్డు క్రియేట్ చేసింది.
ఈ ఒక్క పాటతోనే సినిమాకి భారీ హైప్ ఏర్పడింది. ఇప్పుడు రెండో పాట టీజర్ ను కూడా విడుదల చేసేసి ‘టాక్ అఫ్ ది టౌన్’ అవుతున్నారు ‘అల వైకుంఠపురములో’ టీం..! ఇక టీజర్ కు కూడా ముహూర్తం ఫిక్స్ చేశారని తెలుస్తుంది. నవంబర్ 7 న దర్శకుడు త్రివిక్రమ్ పుట్టినరోజు కాబట్టి.. అదే రోజున టీజర్ ను విడుదల చేయాలని చిత్ర యూనిట్ ప్లాన్ చేస్తుందట. అంతకంటే ముందే.. మూడో పాటను కూడా విడుదల చేయాలనీ కూడా వారు భావిస్తున్నారట. మరి ఈ వార్తల్లో ఎంతవరకూ నిజముందో తెలియాల్సి ఉంది.
బర్త్ డే స్పెషల్ : ప్రభాస్ రేర్ అండ్ అన్ సీన్ పిక్స్…!
బాలీవుడ్ లో మంచి కలెక్షన్లు రాబట్టిన సౌత్ సినిమాలు..?
