పవన్ కళ్యాణ్ నవ్వుకి కారణం చెప్పిన ఆలీ

కాటమరాయుడు ప్రీ రిలీజ్ ఫంక్షన్ గత శనివారం వైభవంగా జరిగింది. ఈ వేదికపై అలీ తనదైన శైలిలో నవ్వులను పూయించారు. కేవలం కార్యక్రమానికి హాజరైన వారినే కాకుండా, పవర్ స్టార్ ని సైతం తన మార్క్ పంచ్ తో నవ్వించారు. పవన్ వేదికపై పెద్దగా నవ్వడం సోషల్ మీడియాలో వైరల్ అయింది. అలీ వేసిన పంచ్ ఏమిటో తెలుసుకోవాలని అభిమానులు ఆరాటపడ్డారు. ఈ సంగతి తెలిసిన అలీ ఆ పంచ్ ఏమిటో బయటికి చెప్పారు. “ప్రీ రిలీజ్ వేదికపై కాటమరాయుడు నిర్మాత శరత్ మరార్ మాట్లాడుతూ పంచెలో పవన్ కళ్యాణ్ చాలా యంగ్ గా ఉన్నారని, చాలా అందంగా ఉన్నారని పొగుడుతుంటే.. సరదాగా “ఇంకో పెళ్లి చేస్తాడేమో” అని అన్నాను.

ఆ  మాటలు పవన్ చెవిన పడడంతో ఆయన పడి పడి నవ్వారు” అని వివరించారు. వేరే ఎవరైనా చాలా సీరియస్ గా తీసుకునేవారు, పవన్ కళ్యాణ్ కాబట్టి సరదాగా తీసుకున్నారని వెల్లడించారు. పవన్ తొలిసారిగా ఫ్యాక్షన్ లీడర్ గా నటించిన కాటమరాయుడు మూవీ రెండు రోజుల్లో థియేటర్లో సందడి చేయనుంది.

Also, do SUBSCRIBE to our YouTube channel to get latest Tollywood updates.