Mokshagna: మోక్షజ్ఞ మూవీ రిలీజ్ డెట్ ఫిక్స్.. సంతోషంలో అభిమానులు!

June 12, 2023 / 05:14 PM ISTByFilmy Focus

Join Us

Mokshagna: మోక్షజ్ఞ మూవీ రిలీజ్ డెట్ ఫిక్స్.. సంతోషంలో అభిమానులు!

నందమూరి బాలయ్య పుట్టినరోజు అంటే నందమూరి అభిమానులకు పండుగ రోజు అనే సంగతి తెలిసిందే. బాలయ్య పుట్టినరోజు సందర్భంగా భగవంత్ కేసరి సినిమా నుంచి టీజర్ రిలీజ్ కావడంతో పాటు బాలయ్య బాబీ కాంబో మూవీకి సంబంధించిన పోస్టర్ విడుదల కావడంతో పాటు ఈ సినిమాకు సంబంధించిన పూజా కార్యక్రమాలు జరిగాయి. అయితే నందమూరి మోక్షజ్ఞ ఫస్ట్ మూవీ రిలీజ్ డేట్ కు సంబంధించి షాకింగ్ అప్ డేట్ వచ్చింది.

నందమూరి మోక్షజ్ఞ తన ట్విట్టర్ అకౌంట్ ద్వారా తన ఫస్ట్ మూవీ రిలీజ్ డేట్ కు సంబంధించి అధికారిక ప్రకటన చేశారు. 2024 సంవత్సరం సెప్టెంబర్ నెల 6వ తేదీన మోక్షజ్ఞ తొలి సినిమా థియేటర్లలో రిలిజ్ కానుంది. ఈ సినిమాకు డైరెక్టర్ ఎవరు? మోక్షజ్ఞకు జోడీగా నటించే బ్యూటీ ఎవరు? అనే ప్రశ్నలకు సమాధానం దొరకాలంటే మాత్రం మరి కొంతకాలం ఆగాల్సిందేనని తెలుస్తోంది.

త్వరలోనే ఈ సినిమా షూటింగ్ మొదలుకానుందని సమాచారం అందుతోంది. మోక్షజ్ఞ తొలి సినిమాకు సంబంధించి మరిన్ని షాకింగ్ అప్ డేట్స్ త్వరలోనే రానున్నాయి. గర్జించడానికి రెడీ.. డేట్‌ గుర్తు పెట్టుకోండి అంటూ మోక్షజ్ఞ తన ట్వీట్ లో పేర్కొన్నారు. మోక్షజ్ఞ లుక్ మారడంతో ఈ సినిమాపై అంచనాలు అంతకంతకూ పెరుగుతున్నాయి. మోక్షజ్ఞ తన హెయిర్ స్టైల్ ను కూడా పూర్తిస్థాయిలో మార్చేశారు.

మోక్షజ్ఞ (Mokshagna) కెరీర్ పరంగా మరిన్ని సంచలనాలు సృష్టించడం ఖాయమని తాత, తండ్రి పేరును నిలబెడతారని అభిప్రాయాలు వ్యక్తమవుతూ ఉండటం గమనార్హం. కథ, కథనం విషయంలో మోక్షజ్ఞ జాగ్రత్తలు తీసుకుంటే మాత్రం కెరీర్ పరంగా మరింత ఎదిగే ఛాన్స్ అయితే ఉంటుంది. మోక్షజ్ఞ ఫస్ట్ మూవీ సొంత బ్యానర్ లోనే తెరకెక్కనుందని తెలుస్తోంది. సినిమా సినిమాకు మోక్షజ్ఞ రేంజ్ పెరగడం ఖాయమని ఫ్యాన్స్ కామెంట్లు చేస్తున్నారు.