Pawan Kalyan, Surender Reddy: మంచి ఛాన్స్.. సురేందర్ రెడ్డి ఈసారైనా హిట్టు కొడతాడా..!

పవర్ స్టార్ పవన్ కళ్యాణ్, స్టార్ డైరెక్టర్ సురేందర్ రెడ్డి కలయికలో సినిమా రూపొందనుంది అనేది చాలా కాలం క్రితమే బయటకు వచ్చిన న్యూస్. ఫిల్మీ ఫోకస్ ఈ ప్రాజెక్టు గురించి ఎప్పుడో రివీల్ చేసింది. అయితే పవన్ కళ్యాణ్ రాజకీయాల్లో బిజీగా ఉండటం.. అలాగే ముందుగా కమిట్ అయిన ప్రాజెక్టుల్ని ఫినిష్ చేసే పనిలో పడటంతో ఈ ప్రాజెక్టు డిలే అయ్యింది. ‘ఎస్.ఆర్.టి ఎంటర్టైన్మెంట్స్’ బ్యానర్లో ఓ చిత్రం చేయడానికి పవన్ కళ్యాణ్ ఎప్పుడో ఓకే చెప్పారు.

నిర్మాత రామ్ కూడా పవన్ కళ్యాణ్ కి అత్యంత సన్నిహితుడు. సురేందర్ రెడ్డికి ఎస్.ఆర్.టి ఎంటర్టైన్మెంట్స్ లో ఓ సినిమా చేయడానికి సైన్ చేసి చాలా కాలం అయ్యింది. పవన్ బిజీగా ఉండటంతో అతను ‘ఏజెంట్’ కోసం వెళ్ళాడు. అది ఇతనికి చేదు అనుభవాన్ని మిగిల్చింది. అయితే మొత్తానికి పవన్ కళ్యాణ్ (Pawan Kalyan) – సురేందర్ రెడ్డి కాంబినేషన్లో మూవీ సెట్ అయ్యింది.

ఈ సినిమా స్క్రిప్ట్ పనులు అలాగే ప్రీ ప్రొడక్షన్ పనుల కోసం ఓ ఆఫీస్ కూడా ప్రారంభించారు. సెప్టెంబర్ ఒకటిన.. ఈ ఆఫీస్ ఓపెనింగ్ వేడుక ఘనంగా జరిగింది. దీనికి సురేందర్ రెడ్డి ఆస్థాన రైటర్ అయిన వక్కంతం వంశీ కూడా హాజరయ్యాడు. పవన్ – సురేందర్ రెడ్డి ల సినిమాకి అతనే స్క్రిప్ట్ అందించనున్నట్టు సమాచారం. మరి ఈ క్రేజీ ప్రాజెక్టు ఎప్పుడు సెట్స్ పైకి వెళ్తుందో చూడాలి..!

ఖుషి సినిమా రివ్యూ & రేటింగ్!

ఈ వీకెండ్ కి ఓటీటీలో సందడి చేయబోతున్న సినిమాలు/సిరీస్..ల లిస్ట్..!
బిగ్ బాస్ సీజన్ – 7 ఎలా ఉండబోతోందో తెలుసా?</