దర్శక ధీరుడు రాజమౌళితో సినిమా చేయాలని ఏ హీరోకు ఉండదు చెప్పండి. అలాగే ఐకాన్‌ స్టార్‌ అల్లు అర్జున్‌తో సినిమా చేయాలని ఏ దర్శకుడుకి ఉండదు చెప్పండి. అలాగే ఈ ఇద్దరూ కలసి సినిమా చేస్తే… చూడాలని ఏ ప్రేక్షకుడికి ఉండదు చెప్పండి. ఇదంతా బాగుంది కానీ… ఆ కాంబినేషన్‌ కుదరాలి కదా అంటారా. అయితే మీరు అనుకుంటున్న జోడీ కుదిరేలా కనిపిస్తోంది. బన్నీ మాటలు వింటుంటే… త్వరలోనే ఈ సినిమా సెట్‌ అయ్యేలా అనిపిస్తోంది.
‘పుష్ప’ ప్రీరిలీజ్‌ ఈవెంట్‌కి రాజమౌళి ముఖ్య అతిథిగా విచ్చేసి టీమ్‌ను విష్‌ చేసిన విషయం తెలిసిందే. ఈ సందర్భంగా కాసేపు.. బన్నీ, రాజమౌళి మాట్లాడుకున్నారు. ఈ విషయాన్ని ప్రస్తావిస్తూ… ఇటీవల అల్లు అర్జున్ దగ్గర మరి రాజమౌళితో సినిమా ఎప్పుడు అని అడిగితే ఓపెన్‌ అయ్యాడు. రాజమౌళితో సినిమా చేయాలని ఏ హీరోకి ఉండదు చెప్పండి. అందుకే నేను కూడా ‘మీతో కలిసి సినిమా చేయాలనుంది’ అని అడిగా. దానికి ఆయన ‘తప్పకుండా చేద్దాం, నేను సినిమా చేయాలనుకునే హీరోల్లో నువ్వూ ఒకడివి’ అని అన్నారట.
దీంతో రాజమౌళి – బన్నీ కాంబినేషన్‌పై చర్చ మొదలైంది. ప్రస్తుతం రాజమౌళి ‘ఆర్‌ఆర్‌ఆర్‌’ పనుల్లో బిజీగా ఉన్నారు. ఆ తర్వా మహేష్‌బాబుతో సినిమా చేయాల్సి ఉంది. త్రివిక్రమ్‌ సినిమా తర్వాత ఈ సినిమా ఉంటుంది అని టాక్. ఈ లోపు రాజమౌళి ఆ సినిమా కథ రెడీ చేసుకుంటారట. ఆ తర్వాత బన్నీ సినిమాకు ప్లాన్స్‌ వేస్తారని తెలుస్తోంది. మరి మహేష్ సినిమా ఎన్నేళ్లు పడుతుందో, బన్నీ ఎప్పుడు జక్కన్న హీరో అవుతాడో చూడాలి.
Most Recommended Video
మహేష్ టు నవీన్… ఓవర్సీస్ లో 1 మిలియన్ కొట్టిన హీరోల లిస్ట్..!
పవర్ ఆఫ్ పబ్లిక్ సర్వెంట్ అంటే చూపించిన 11 మంది టాలీవుడ్ స్టార్లు..!
అఘోరా గెటప్‌ టాలీవుడ్ హీరోలకు కలిసొచ్చిందా!
Home