‘పుష్ప’తో పాన్‌ ఇండియా హీరో అయిపోయాడు అల్లు అర్జున్‌. ఇప్పుడు ‘పుష్ప 2’ పనుల్లో బిజీగా ఉన్నాడు. ఆ సినిమాతో తన పాన్‌ ఇండియా ఇమేజ్‌ను మరింతగా పెంచుకునే ప్రయత్నాల్లో ఉన్నాడు. అయితే ఆ తర్వాత కూడా తన సినిమాలు అదే స్థాయిలో ఉండాలని చూసుకుంటున్నాడు. ఈ క్రమంలో ఓ యూనివర్స్‌లో బన్నీ చేరాలనుకుంటున్నాడా? అవుననే అనిపిస్తోంది ఆయన రీసెంట్ మీటింగ్‌లు చూస్తుంటే లోకేశ్ సినిమాటిక్‌ యూనివర్శ్‌లో చేరుతాడు అనిపిస్తోంది.
గతేడాది లోక నాయకుడు కమల్ హాసన్‌తో ‘విక్రమ్’ అనే సినిమా చేశారు లోకేశ్ కనగరాజ్‌. ఆ సినిమాతో ఇండస్ట్రీ హిట్ కొట్టారు. అంతేకాదు కమల్ హాసన్‌ ఫ్యాన్స్‌ ఎన్నాళ్లుగానో ఎదురుచూస్తున్న కమర్షియల్‌ హిట్ కూడా అందించారు. ఆ ఒక్క సినిమాతో ఇండస్ట్రీకి చాలా సినిమాలు ఇస్తానని మాటిచ్చేశారు. ‘ఖైదీ 2’, ‘విక్రమ్ 2’, ‘రోలెక్స్‌’.. ఇలానే చాలానే ఉన్నాయి ఆయన లిస్ట్‌లో. ఇప్పుడు వీటలో ఎక్కడో ఓ దగ్గర అల్లు అర్జున్‌ కనిపిస్తాడని సమాచారం. అంటే అతిథి పాత్ర అనుకునేరు.
‘రోలెక్స్‌’ఘా సూర్యలా ఆఖరున వచ్చి.. హైప్‌ పెంచి.. ఆ తర్వాత ఆ పాత్రతో సినిమా చేసేంతగా అన్నమాట. ఇటీవల లోకేశ్ కనగరాజ్‌ – అల్లు అర్జున్‌ మీటింగ్‌ జరిగింది అని సమాచారం అందుతోంది. కొత్త సినిమా కోసమే అని చెబుతున్నారు. అయితే క్లారిటీ ఇవ్వడం లేదు. దీంతో ప్రాథమిక చర్చలు ఏమన్నా జరిగాయేమో అని అనుకుంటున్నారు. ప్రస్తుతం లోకేశ్ విజయ్‌తో ఓ సినిమా చేస్తున్నారు. ఆ సినిమా అయ్యాక ‘ఖైదీ 2’ ఉంటుంది. దీంతో ఇప్పుడే బన్నీ సినిమా కష్టం కానీ.. ఆలోచన అయితే ఉంది అని తెలుస్తోంది.
మరోవైపు బన్నీ ‘పుష్ప 2’ తర్వాత ఏ సినిమా చేస్తాడు అనే విషయంలో క్లారిటీ లేదు. చాలా సినిమాల చర్చలు జరుగుతున్నా ఏదీ ఓకే అవ్వడం లేదు. ఆ మధ్య ప్రశాంత్ నీల్‌తో ఓ సినిమా చేయాలని బన్నీ అనుకున్నాడు. కానీ అది ఓకే అవ్వలేదు. ఇప్పుడు లోకేశ్‌తో అనుకుంటున్నారు. ఇది వర్కవుట్‌ అయితే.. బన్నీ తమిళ ప్రయాణం షురూ అవుతుంది.
8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!
రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!
