టాలీవుడ్ స్టార్ హీరోలైన ప్రభాస్, జూనియర్ ఎన్టీఆర్, రామ్ చరణ్, అల్లు అర్జున్ పాన్ ఇండియా హీరోలుగా గుర్తింపును సంపాదించుకున్న సంగతి తెలిసిందే. ఈ హీరోలకు బాలీవుడ్ లో క్రేజ్ మరింత పెరగడంతో పాటు ఈ హీరోల భవిష్యత్తు ప్రాజెక్ట్ లు సైతం పాన్ ఇండియా సినిమాలుగా తెరకెక్కుతున్నాయి. అయితే అతి త్వరలో ప్రభాస్, బన్నీ ఒకే వేదికపై కనిపించనున్నారని సమాచారం అందుతోంది. బాలీవుడ్ ఇండస్ట్రీలో కరణ్ జోహార్ ప్రముఖ దర్శకనిర్మాతగా పేరుప్రఖ్యాతులు సంపాదించుకున్నారు.
కరణ్ జోహార్ హోస్ట్ గా వ్యవహరించిన కాఫీ విత్ కరణ్ షో అంచనాలకు మించి సక్సెస్ సాధించిందనే సంగతి తెలిసిందే. ఇప్పటికే ఈ షో 6 సీజన్లను పూర్తి చేసుకోగా త్వరలో ఏడో సీజన్ ప్రసారం కానుంది. అయితే ఇప్పటివరకు టీవీలో ప్రసారమైన ఈ షో ఇకపై డిస్నీ ప్లస్ హాట్ స్టార్ లో ప్రసారం కానుంది. ఈ షోలో ప్రభాస్, బన్నీ కలిసి కనిపించనున్నారని సమాచారం అందుతోంది.
రాబోయే రోజుల్లో కరణ్ తో ముచ్చట్లు చెప్పేవాళ్లలో దక్షిణాది తారలు ఎక్కువగా ఉండబోతున్నారని తెలుస్తోంది. ప్రభాస్ బన్నీ మధ్య మంచి స్నేహం ఉండగా ఆ స్నేహాన్ని ఎలివేట్ చేసే విధంగా ఈ ఎపిసోడ్ ఉండనుందని సమాచారం అందుతోంది. చరణ్ తారక్ మధ్య అనుబంధాన్ని కూడా ఈ షోలో చూపించనున్నారని ఈ షోకు చరణ్, తారక్ కలిసి హాజరు కానున్నారని తెలుస్తోంది. సమంత రష్మిక, నయనతార విఘ్నేష్ శివన్ కూడా రాబోయే రోజుల్లో ఈ షోకు హాజరు కానున్నారని బోగట్టా.
కరణ్ ఆహ్వానిస్తే ఈ షోకు రావడానికి సెలబ్రిటీలు అంగీకరిస్తారో లేదో చూడాల్సి ఉంది. దక్షిణాది తారలు ఈ షోకు హాజరైతే ఈ షోకు క్రేజ్ మరింత పెరిగే అవకాశాలు అయితే ఉంటాయని చెప్పవచ్చు. ప్రభాస్ బన్నీలను ఒకే వేదికపై చూడాలని ఫ్యాన్స్ కోరుకుంటున్నారు. సాధారణంగా ఇలాంటి షోలకు ప్రభాస్ దూరంగా ఉంటారు.
Most Recommended Video
కన్మణి రాంబో కటీజా సినిమా రివ్యూ & రేటింగ్!
వీళ్ళు సరిగ్గా శ్రద్ద పెడితే… బాలీవుడ్ స్టార్లకు వణుకు పుట్టడం ఖాయం..!
కే.జి.ఎఫ్ హీరో యష్ గురించి ఈ 12 విషయాలు మీకు తెలుసా..!
