Allu Arjun: బాలీవుడ్ టాప్ ఓపెనింగ్స్.. బన్నీ దాటేశాడా లేదా?

తెలుగు సినిమా ప్రతిష్టను మరో స్థాయికి తీసుకెళ్లిన చిత్రంగా ‘పుష్ప 2: ది రూల్ (Pushpa 2: The Rule) కూడా టాప్ లిస్ట్ లో నిలిచింది.’ ఐకాన్ స్టార్ అల్లు అర్జున్ (Allu Arjun) నటన, సుకుమార్ (Sukumar) విజన్, సమగ్ర ప్రమోషన్స్ ఈ సినిమాను పాన్ ఇండియా లెవెల్‌ లో ఒక సెన్సేషన్‌గా మార్చాయి. విడుదలకు ముందు నుంచే క్రియేట్ చేసిన బజ్, అడ్వాన్స్ బుకింగ్స్ హైప్ తారాస్థాయిలో ఉండటంతో బాక్సాఫీస్ వద్ద పుష్ప 2 దుమ్ము లేపింది. బాలీవుడ్ మార్కెట్‌లో ‘పుష్ప 2’ హిందీ వెర్షన్ నెట్లో 67 కోట్ల కలెక్షన్లతో మొదటి రోజే సరికొత్త రికార్డును సృష్టించింది.

Allu Arjun

ఈ రికార్డు షారుఖ్ ఖాన్‌ (Shah Rukh Khan) ‘జవాన్‌’ (Jawan) కలెక్షన్లను దాటేసి బాలీవుడ్‌లో తెలుగు సినిమా ప్రాభవాన్ని మరోసారి చాటిచెప్పింది. బాలీవుడ్ బిగ్గెస్ట్ ఓపెనింగ్‌గా నిలిచిన ‘జవాన్‌’ మొదటి రోజు 65 కోట్లు వసూలు చేయగా, ‘పుష్ప 2’ దానిని అధిగమించడం విశేషం. తెలుగు సినిమా గతంలోనే పాన్ ఇండియా స్థాయిలో నిలిచినప్పటికీ, అల్లు అర్జున్ బాక్సాఫీస్ వద్ద తన పవర్ చూపించారు. హిందీ బెల్ట్ ప్రేక్షకులు బన్నీ పర్ఫార్మెన్స్‌తో మరోసారి మైమరచిపోయారు. ముఖ్యంగా పుష్పరాజ్ క్యారెక్టర్‌లో అతని వేరియేషన్స్, మాస్ అప్పీల్ ప్రేక్షకుల్ని థియేటర్లకు ఆకర్షించాయి.

హిందీలో ఫస్ట్ టాప్ నెట్ కలెక్షన్స్

తెలుగు రాష్ట్రాల్లోనూ భారీ కలెక్షన్లతో పుష్ప 2 కొత్త రికార్డులని చేరింది. మొదటి రోజు తెలుగు వెర్షన్ 73 కోట్లకు పైగా వసూళ్లు సాధించింది. తమిళనాడు, కర్ణాటక, కేరళల్లో కూడా సినిమాకు పాజిటివ్ రెస్పాన్స్ వచ్చింది. అంతర్జాతీయంగా, ప్రీమియర్ షోల ద్వారా $3.5 మిలియన్ల వసూళ్లు రాబట్టి, టోటల్ కలెక్షన్లను గ్లోబల్‌గా మరింత పెంచింది. ‘పుష్ప 2’ సక్సెస్ ద్వారా అల్లు అర్జున్ బాలీవుడ్ స్టార్ హీరోల సరసన నిలిచారు. ఈ చిత్రం నార్త్‌లో తెలుగు సినిమాల ప్రభావాన్ని మరింతగా విస్తరించగా, బన్నీ (Allu Arjun) నిజమైన పాన్ ఇండియా స్టార్‌గా గుర్తింపు పొందారని చెప్పవచ్చు.

నేను మరొకరి అవకాశాలు లాక్కోవాలని అనుకోను: దేవిశ్రీప్రసాద్