తెలుగు చిత్ర ప‌రిశ్ర‌మ‌లో ఎంతో మంది గొప్ప న‌టులు ఉన్నారు. ప్రేక్ష‌కుల హృద‌యాల్లో చెద‌ర‌ని ముద్ర వేసిన వారు ఎంద‌రో. అయిన‌ప్ప‌టికీ ఇప్ప‌టి వర‌కు కూడా జాతీయ అవార్డుల్లో ఒక్క‌సారి కూడా ఉత్త‌మ నటుడి అవార్డును ఓ తెలుగు న‌టుడు గెలుచుకోలేక‌పోయాడు. ఇంత కాలం ఇది తీర‌ని లోటుగా ఉండేది. ఇక ఇది అంద‌ని ద్రాక్ష‌గానే మిగులుతుందా అన్న సందేహం క‌లుగుతున్న వేళ ఐకాన్ స్టార్ అల్లు అర్జున్ ఈ అవార్డును సొంతం చేసుకున్నాడు.
పుష్ప చిత్రంలోని పుష్ప‌రాజ్ పాత్ర‌లో బన్నీ న‌ట‌న‌కు ఈ అవార్డు వ‌చ్చింది. బన్నీ అభిమానుల‌తో పాటు యావ‌త్తు తెలుగు సినీ ప్రియులు సంబరాలు చేసుకుంటున్నారు. ఇక పుష్ప చిత్రాన్ని తెర‌కెక్కించిన ద‌ర్శ‌కుడు సుకుమార్ ఫీలింగ్ ఎలా ఉంటుందా అన్న సందేహం క‌ల‌గ‌క‌మాన‌దు. బ‌న్నీని ఉత్త‌మ నటుడిగా అనౌన్స్ చేయ‌గా ద‌ర్శ‌కుడు సుకుమార్ వెంట‌నే అల్లుఅర్జున్ వ‌ద్ద‌కు వెళ్లి గట్టిగా హ‌త్తుకుని శుభాకాంక్ష‌లు తెలియ‌జేశారు. దీనికి సంబంధించిన వీడియో ప్రస్తుతం సోషల్ మీడియాలో వైరల్ గా మారింది.
ఇక ఇదే వీడియోలో అల్లు అర్జున్ (Allu Arjun) చేసిన పనికి అందరూ షాక్ అవుతున్నారు. అందరినీ కౌగిలించుకున్న బన్నీ అల్లు అరవింద్ కాళ్ల మీద పడి ఆశీర్వాదం తీసుకున్నాడు. ఆతర్వాత పక్కనే ఉన్న ఆయన భార్య స్నేహాను ఎత్తుకుని గట్టిగా వాటేసుకున్నారు. అందరిలో ఆమెకు ముద్దు పెట్టి తనపై ఉన్న ప్రేమను చాటుకున్నాడు. అలాగే పిల్లలను ఎత్తుకుని ముద్దాడాడు. ఏదేమైనా బన్నీ మన తెలుగు సినిమా స్థాయిని మరో మెట్టు ఎక్కించాడనడంలో సందేహం లేదు.
2023 టాప్- 10 గ్రాసర్స్.. ఏ సినిమా ఎక్కువ కలెక్ట్ చేసిందంటే?
‘భోళా శంకర్’ తో పాటు కోల్‌కతా బ్యాక్ డ్రాప్ లో రూపొందిన 10 సినిమాల రిజల్ట్స్.!
‘వాల్తేరు..’ టు ‘జైలర్’.. ఈ ఏడాది ఫస్ట్ వీక్ ఎక్కువ కలెక్షన్స్ రాబట్టిన సినిమాల లిస్ట్
Home