మంచు మనోజ్ హీరోగా పాయల్ ఘోష్ హీరోయిన్ గా చంద్రశేఖర్ యేలేటి డైరెక్షన్లో తెరకెక్కిన చిత్రం ‘ప్రయాణం’. సీత యేలేటి నిర్మించిన ఈ చిత్రం 2009 వ సంవత్సరం మే 29న విడుదలయ్యింది. ఈరోజుతో ఈ చిత్రం విడుదలయ్యి 12 ఏళ్ళు పూర్తి కావస్తోంది. తన కెరీర్ ప్రారంభం నుండీ వైవిధ్యమైన కథలనే ఎంపిక చేసుకుంటూ వస్తున్న హీరో మనోజ్.. అలాగే కెరీర్ ప్రారంభం నుండీ వైవిధ్యమైన సినిమాలనే తెరకెక్కిస్తూ వస్తున్న చంద్రశేఖర్ యేలేటి కాంబినేషన్లో ఓ సినిమా వస్తుంది అంటే.. ఆ సినిమా పై సహజంగానే అంచనాలు ఏర్పడతాయి.
దాంతో కమర్షియల్ సక్సెస్ అందుకోవడం చాలా ఈజీ అవుతుంది. కానీ ‘ప్రయాణం’ విషయంలో అలా జరగలేదు. బాక్సాఫీస్ వద్ద ఈ చిత్రం యావరేజ్ ఫలితంతో . అయితే బుల్లితెర పై ఈ చిత్రాన్ని చూసి ఎంజాయ్ చేస్తూన్న ప్రేక్షకుల లిస్ట్ మాత్రం పెద్దదే. అంతేకాదు ఈ సినిమా ఎందుకు ఫ్లాప్ అయ్యింది అంటూ నెత్తి కొట్టుకుంటున్న వారు కూడా చాలా మందే ఉన్నారు. ‘ప్రయాణం’ సినిమాని అనుకున్న దానికంటే లో-బడ్జెట్లో తెరకెక్కించాడు దర్శకుడు.అలా అని ఇది లో బడ్జెట్ సినిమాలా అస్సలు కనిపించదు. సర్వేష్ మురారి సినిమాటోగ్రఫీ ఆ రేంజ్ లో ఉంటుంది.
మహేష్ శంకర్ అందించిన సంగీతం, నేపధ్య సంగీతం రెండు బాగుంటాయి. ప్రభాస్ తో ‘రాధే శ్యామ్’ చిత్రాన్ని తెరకెక్కిస్తున్న రాధా కృష్ణకుమార్ ఈ చిత్రానికి సంభాషణలు రాయడం ఓ విశేషంగా చెప్పాలి. సినిమాలో డైలాగ్స్ చాలా నేచురల్ గా ఉంటాయి. బ్రహ్మీ కామెడీ కూడా ఆకట్టుకుంటుంది. అయితే ఈ చిత్రం విడుదల సమయంలో ప్రమోషన్స్ సరిగ్గా నిర్వహించలేదు. దాంతో సినిమా ఎప్పుడు విడుదలైందో తెలీక, చాలామంది ప్రేక్షకులు ఈ చిత్రాన్ని చూడటానికి థియేటర్లకు వెళ్ళలేదు. కానీ నిర్మాతలకు మాత్రం శాటిలైట్ రైట్స్ రూపంలో రెండింతలు లాభాలు దక్కాయి. ఫైనల్ గా ఇది కూడా ఓ అండర్ రేటెడ్ మూవీగా మిగిలిపోయిందని చెప్పాలి..!
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
Home