బాలకృష్ణ కెరీర్లో ఎన్ని హిట్ సినిమాలు, బ్లాక్ బస్టర్లు, ఇండస్ట్రీ హిట్లు ఉన్నా ఎందుకో యావరేజ్ గా ఆడిన ‘చెన్నకేశవ రెడ్డి’ పై మనసు పారేసుకున్నారు ఆయన అభిమానులు. ఆ రేంజ్ ఎలివేషన్స్ కలిగిన మూవీ.. ఆ స్థాయిలో బాలయ్య ఇచ్చిన పెర్ఫార్మన్స్ మళ్ళీ ఇప్పటివరకు చూడనట్టు వాళ్ళు మాట్లాడుతూ ఉంటారు. దర్శకుడు వి.వి.వినాయక్ ను కూడా ఇలాంటి సినిమా, కుదిరితే ఆ సినిమాకి సీక్వెల్ ప్లాన్ చేయాలంటూ బాలయ్య అభిమానులు కోరుతుంటారు.
అయితే అది ఎప్పటికి నెరవేరుతుందో తెలీదు కానీ ప్రస్తుతం బాలయ్య.. గోపీచంద్ మలినేని దర్శకత్వంలో చేస్తున్న 107 వ సినిమా ఆ స్థాయిలోనే ఉండబోతుందని ఇన్సైడ్ టాక్. ఇందులో కూడా బాలయ్య అభిమానులకి కావాల్సిన హై రేంజ్ ఎలివేషన్స్ ఉంటాయట. ముఖ్యంగా చెల్లెలి పాత్ర కూడా ఓ రేంజ్లో ఉంటుందని వినికిడి. ఈ పాత్రకి తమిళ నటి వరలక్ష్మీ శరత్ కుమార్ ను ఎంపిక చేసుకున్నారని సమాచారం. ‘చెన్నకేశవ రెడ్డి’ లోని చెల్లెలి పాత్రని దేవయాని పోషించింది.
ఆమె ఆ పాత్రకి బాగానే న్యాయం చేసింది. కానీ అలాంటి పాత్ర వరలక్ష్మీ శరత్ కుమార్ కనుక చేస్తే.. అది నెక్స్ట్ లెవెల్లో ఉంటుంది. అందుకే ఏరి కోరి ఆమెని ఈ ప్రాజెక్టులో ఎంపిక చేసుకున్నట్టు స్పష్టమవుతుంది. ఇక ఆమె పాత్రకి సంబంధించిన ఫస్ట్ లుక్ పోస్టర్ ను రేపు విడుదల చేయబోతున్నారట.మరి అది నిజమో కాదో రేపు తెలుస్తుంది. ‘మైత్రి మూవీ మేకర్స్’ వారు నిర్మిస్తున్న ఈ చిత్రంలో శృతీ హాసన్ హీరోయిన్ గా నటిస్తుంది. చాలా కాలం తర్వాత బాలయ్య పక్కన నటిస్తున్న స్టార్ హీరోయిన్ ఈమెనే కావడం మరో విశేషం.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
