యాంకర్ అనసూయకి ఉన్న క్రేజ్ గురించి తెలిసిందే. అటు బుల్లితెరపై, ఇటు వెండితెరపై మంచి ఫామ్ లో ఉంది ఈ బ్యూటీ. ఆమె నటించిన ‘క్షణం’, ‘రంగస్థలం’ సినిమాలు భారీ విజయాలను అందుకున్నాయి. రీసెంట్ గా విడుదలైన ‘పుష్ప’ సినిమాలో అనసూయ దాక్షాయణి పాత్రలో కనిపించింది. నెగెటివ్ షేడ్స్ ఉన్న క్యారెక్టర్ లో అనసూయ పెర్ఫార్మన్స్ కు అభిమానులు ఫిదా అయ్యారు. ‘పుష్ప’ పార్ట్ 2లో ఆమె రోల్ ఎక్కువ ఉంటుందని చెబుతున్నారు.
ఇదిలా ఉండగా.. అనసూయ రీసెంట్ గా ‘ఖిలాడి’ సినిమాలో నటించింది. ఈ సినిమా షూటింగ్ కోసం విదేశాలకు కూడా వెళ్లింది. తాజాగా అందుతున్న సమాచారం ప్రకారం.. ఈ సినిమాలో అనసూయ బ్రాహ్మణ మహిళ క్యారెక్టర్ పోషిస్తుందట. రెండో పాత్ర ఏమిటనేది క్లారిటీ లేదు. సినిమాలో అనసూయ ట్విన్స్ గా కనిపించనున్నారా..? లేక మరేదైనానా..? అనే విషయాన్ని సీక్రెట్ గా ఉంచుతున్నారు. అయితే సినిమాలో ఇద్దరు అనసూయల్లో ఒక అనసూయ చనిపోతుందట.
రెండో పాత్ర మాత్రం సినిమా మొత్తం ఉంటుందని సమాచారం. ఈ మధ్యకాలంలో ఆమె నటించిన ఫుల్ లెంగ్త్ మూవ్ ఇదేనని అంటున్నారు. ఈ సినిమాతో అనసూయ కెరీర్ పరంగా మరో మెట్టు ఎక్కుతుందని టాక్. రవితేజ హీరోగా నటిస్తోన్న ఈ సినిమాలో మీనాక్షి చౌదరి, డింపుల్ హయతి హీరోయిన్లుగా నటిస్తున్నారు. ఫిబ్రవరి 11న ప్రేక్షకుల ముందుకు రానున్న ఈ సినిమాను రమేష్ వర్మ డైరెక్ట్ చేశారు. కోనేరు సత్యనారాయణ నిర్మాతగా వ్యవహరిస్తున్నారు.
Most Recommended Video
అధికారిక ప్రకటన ఇచ్చారు.. కానీ సినిమా ఆగిపోయింది..!
‘పుష్ప’లో 20కిపైగా తప్పులు… చూశారా!
అన్ని హిట్లు కొట్టినా చైతన్య స్టార్ ఇమేజ్ కు దూరం… ఆ 10 రీజన్స్ వల్లేనట..!
