కళ్యాణ్ రామ్ పేరు మర్చిపోయా : అనీల్ రావిపూడి

కళ్యాణ్ రామ్ నటించిన ‘పటాస్’ సినిమాతో దర్శకుడిగా మారి ఈరోజు సూపర్ స్టార్ మహేష్ బాబుని డైరెక్ట్ చేసే ఛాన్స్ దక్కించుకున్నాడు అనీల్ రావిపూడి. ఆయన డైరెక్ట్ చేసిన ‘సరిలేరు నీకెవ్వరు’ సినిమా జనవరి 11న ప్రేక్షకుల ముందుకు రానుంది. ఈ సందర్భంగా సినిమా ప్రమోషన్స్ లో భాగంగా హైదరాబాద్ లో సినిమా ప్రీరిలీజ్ ఈవెంట్ ని అట్టహాసంగా నిర్వహించారు. మెగాస్టార్ చిరంజీవి గెస్ట్ గా హాజరయ్యారు.

ఈ వేడుకలో దర్శకుడు అనీల్ రావిపూడి తన సినీ ప్రయాణం గురించి మాట్లాడారు. కానీ తన తొలిహీరో కళ్యాణ్ రామ్ పేరు చెప్పడం మర్చిపోయారు. దీంతో సోమవారం నాడు ట్విట్టర్ వేదికగా ఈ విషయంపై వివరణ ఇచ్చారు. వృత్తిపరంగా, వ్యక్తిగతంగా తనకు నిన్న చాలా ఎమోషనల్ డే అని.. ‘సరిలేరు నీకెవ్వరు’ ప్రీరిలీజ్ ఈవెంట్ లో చాలా సంతోషానికి లోనయ్యానని చెప్పారు. దీంతో తన మొదటి హీరో, నిర్మాత కళ్యాణ్ రామ్ పేరు చెప్పడం మర్చిపోయానని.. అంతేకానీ ఉద్దేశపూర్వకంగా కాదని అన్నారు. కళ్యాణ్ రామ్ నటించిన ‘ఎంతమంచి వాడవురా’ మంచి సక్సెస్ అందుకోవాలని అన్నారు.

అతడే శ్రీమన్నారాయణ సినిమా రివ్యూ & రేటింగ్!
తూటా సినిమా రివ్యూ & రేటింగ్!