అక్కినేని అఖిల్ హీరోగా నటించిన తాజా చిత్రం ఏజెంట్ ఎన్నో అంచనాల నడుమ ఈ సినిమా ప్రేక్షకుల ముందుకు వచ్చింది. అయితే ఈ సినిమా ప్రేక్షకుల అంచనాలను ఏమాత్రం చేరుకోలేక భారీ నష్టాలను ఎదుర్కొంది. ఇక ఈ సినిమాని అత్యంత భారీ బడ్జెట్ తో నిర్మాత అనిల్ సుంకర నిర్మించారు. ఈ క్రమంలోని ఈ సినిమా నష్టాలను ఎదుర్కోవడంతో ఆ నష్టాలను ప్రొడ్యూసర్ భరించారని తెలుస్తోంది. సురేందర్ రెడ్డి దర్శకత్వంలో అఖిల్ హీరోగా వచ్చిన యాక్షన్ సీక్వెన్స్ చిత్రం ఫ్లాప్ అవడంతో అభిమానులు ఎంతో నిరాశ వ్యక్తం చేశారు.
అయితే మొదటిసారి ఈ సినిమా రిజల్ట్ గురించి నిర్మాత అనిల్ సుంకర మాట్లాడుతూ పలు ఆసక్తికరమైన విషయాలను వెల్లడించారు. ఈ క్రమంలోనే ఈ సినిమా అనుకున్న స్థాయిలో ప్రేక్షకులను చేరుకోలేక పోవడానికి గల కారణాలను కూడా నిర్మాత తెలియజేశారు. తాజాగా శ్రీ విష్ణు నటించిన సామజవరగమన సినిమా ఎంతో మంచి సక్సెస్ అందుకున్న విషయం మనకు తెలిసిందే. ఈ క్రమంలోనే ఈ సినిమా సక్సెస్ మీట్ కార్యక్రమంలో భాగంగా నిర్మాత అనిల్ సుంకర ఏజెంట్ సినిమా గురించి మాట్లాడారు.
ఏజెంట్ (Agent) సినిమా విషయంలో ఏ ఒక్కరిని తప్పు పట్టడానికి లేదు.అందరి తప్పు ఉందని తెలిపారు. కొన్ని కారణాల వలన బౌండ్ స్క్రిప్ట్ తో వెళ్ళలేకపోయాం. ఈ విషయంలో ఎవరినీ నిందించకూడదు. నేను, సురేంద్ రెడ్డి ఈ సినిమాతో ఒక హీరోని నెక్స్ట్ లెవల్ కి తీసుకెళ్తామని అనుకుని మొదలుపెట్టాం.
అయితే అనుకున్న స్థాయిలో ఈ సినిమాని ముందుకు తీసుకెళ్ళలేకపోయామని ఈ సందర్భంగా అనిల్ సుంకర తెలిపారు. ఒక నిర్మాతగా ఈ ఫలితానికి తాను బాధ్యత తీసుకుంటాను అంటూ ఈయన తెలియజేశారు. ఈ విధంగా ఏజెంట్ సినిమా గురించి అనిల్ సుంకర చేసిన ఈ కామెంట్స్ ప్రస్తుతం సోషల్ మీడియాలో వైరల్ అవుతున్నాయి.
సామజవరగమన సినిమా రివ్యూ & రేటింగ్!
వివాదాలకు కేరాఫ్ అడ్రస్ మారిన విజయ్ దళిపతి సినిమాలు!
