Tripti Dimri: రష్మిక గురించి ‘యానిమల్‌’ భామ ఏం చెప్పిందో చూశారా?

రష్మిక మందనను తన అభిమానులు ముద్దుగా క్రష్మిక అని పిలచుకుంటారు. దేశవ్యాప్తంగా ఆమె తన క్యూట్‌నెస్‌తో కుర్రకారు గుండెల్ని క్రష్‌ చేస్తోంది కాబట్టి అలా పిలవడం ప్రారంభించారు. ‘పుష్ప’ సినిమా ముందే మొదలైన ఈ ఫీవర్‌ ఆ తర్వాత కూడా కొనసాగింది, ఇప్పుడు కొనసాగుతోంది కూడా. అయితే ఆమె హీరోయిన్‌గా నటించిన ఓ సినిమా వచ్చాక ఆమె కాకుండా వేరొకరు నేషనల్‌ క్రష్‌ అయిపోయారు. ఆమెనే జోయా అలియాస్‌ త్రిప్తి డిమ్రి.

‘యానిమల్‌’ సినిమాలో త్రిప్తి – రణ్‌బీర్‌ కపూర్‌ మధ్య ఓ ఇంటిమేట్‌ సీన్‌ ఉంది. అందులో ఆమెను చూసిన కుర్రకారు ఆమె అందానికి, క్యూట్‌నెస్‌కి ఫిదా అయిపోయారు. పాత్ర చిన్నదైనా ప్రభావం ఎక్కువ అన్నట్లు ఆమె ఇప్పుడు టాక్‌ ఆఫ్‌ ది యూత్‌గా మారింది. అలాంటి క్రష్‌… క్రష్మిక గురించి మాట్లాడితే అదిరిపోతుంది కదూ. అదే జరిగింది ఇప్పుడు. ఇటీవల మీడియాతో మాట్లాడిన త్రిప్తి దిమ్రి.. రష్మిక మందన గురించి ప్రస్తావించింది. ఇప్పుడు ఆ మాటలు వైరల్‌ అయ్యాయి.

సందీప్‌ వంగా దర్శకత్వంలో రణ్‌బీర్‌ కపూర్‌ హీరోగా నటించిన చిత్రం ‘యానిమల్‌’. ఈ నెల మొదట్లో విడుదలైన ఈ సినిమా భారీ విజయం అందుకుని రూ. వెయ్యి కోట్ల వసూళ్లవైపు దూసుకెళ్తోంది. ఇద్దరు హీరోయిన్లు ఉంటే ఆ సినిమా ఎంతో హుషారుగా ఉంటుంది. ‘యానిమల్‌’ సినిమాలో రష్మికతో కలసి నటించడం ఆనందంగా ఉంది. ఆమె చాలా టాలెంటెడ్‌. మొదటిరోజు సెట్‌కు వెళ్లగానే పలకరించింది. ఆప్యాయంగా స్వాగతం పలికింది అని జోయా (Tripti Dimri) చెప్పింది.

కొత్త వాతావరణానికి నేను అంత త్వరగా అలవాటు పడలేను. అలా అప్పుడ కూడా అనిపించింది. కొంచెం ఇబ్బందిగా ఉన్నానని తెలుసుకుని, రష్మిక నాతో మరింత స్నేహంగా ఉంది అని చెప్పింది త్రిప్తి. ఈ లక్షణంలో అందరిలో ఉండాలి అని చెప్పింది. ఇక తాను రణ్‌బీర్‌ కపూర్‌కు అభిమానిని. సెట్‌లో రణ్‌బీర్‌ను చూస్తూ విగ్రహంలా ఉండిపోయేదాన్ని అని షూటింగ్‌ రోజుల్ని గుర్తు చేసుకుంది. ‘యానిమల్’ సినిమాకు ఓకే చెప్పడానికి రణ్‌బీర్‌ కూడా ఓ కారణం అని అంది.

సలార్ సినిమా రివ్యూ & రేటింగ్!

డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!