చరణ్, ఎన్టీఆర్ వంటి ఇద్దరు స్టార్ హీరోలతో రాజమౌళి ‘ఆర్ ఆర్ ఆర్’ చిత్రాన్ని తెరకెక్కిస్తున్నాడు. ఇప్పటికే ఈ చిత్రంలో బాలీవుడ్ స్టార్ అజయ్ దేవగన్ ఓ కీలక పాత్ర చేస్తుండగా.. అలియా భట్ కూడా ఓ హీరోయిన్ గా నటిస్తుంది. అంతేకాకుండా తమిళ దర్శకుడు అలాగే నటుడు అయిన సముద్ర ఖని కూడా వొ కీలక పాత్ర పోషిస్తున్నాడు.
దీంతో ఇప్పటికే ఈ చిత్రం పై అంచనాలు ఆకాశాన్ని అందుకున్నాయి. తాజాగా మోషన్ పోస్టర్ ను కూడా విడుదల చేసారు. అయితే ఇప్పటికే చిత్రంలోని నటీనటులను రాజమౌళి ఆనౌన్స్ చేసేసాడు. హీరోయిన్ విషయంలో కొన్ని మార్పులు చోటు చేసుకున్నప్పటికీ.. వాళ్లకు సంబంధించిన క్లారిటీ కూడా ఇచ్చేసాడు. అయితే ఇప్పుడు ఈ చిత్రంలో మరో స్టార్ హీరో కూడా నటిస్తున్నాడు అనే వార్త ఊపందుకుంది.
ఆయన మరెవరో కాదు ‘మనమంతా’ ‘జనతా గ్యారేజ్’ ‘మన్యం పులి’ వంటి చిత్రాలతో తెలుగు ప్రేక్షకులకి కూడా దగ్గరైన మలయాళ సూపర్ స్టార్ మోహన్ లాల్. ఈయన ఇప్పుడు ‘ఆర్ ఆర్ ఆర్’ లో కూడా కీలక పాత్ర పోషిస్తున్నాడు అని తెలుస్తుంది. అయితే ఇది వట్టి రూమర్ మాత్రమే అనే వాదన కూడా వినిపిస్తుంది. ఒకవేళ ఈయన నిజంగా నటించేది ఉంటే… ఇంత లేట్ గా ఆనౌన్స్ చేస్తారా అని ప్రశ్నించే వారు కూడా ఉన్నారు. మరి ‘ఆర్ ఆర్ ఆర్’ టీం క్లారిటీ ఇస్తే కానీ చెప్పలేము.
Most Recommended Video
నిర్మాతలుగా కూడా సత్తా చాటుతున్న టాలీవుడ్ హీరోలు
మోస్ట్ డిజైరబుల్ విమెన్ 2019 లిస్ట్
టైమ్స్ మోస్ట్ డిజైరబుల్ మెన్ 2019 లిస్ట్
సొంత మరదళ్ళను పెళ్లాడిన టాప్ స్టార్స్
