నానీ సరసన మరో మల్లు బ్యూటీ..

“అలా మొదలైంది”తో నిత్యామీనన్ ను మొదలుకొని “మజ్ను”తో అను ఇమ్మాన్యుల్ వరకూ నేచురల్ స్టార్ నానీ చాలా మంది మలయాళ ముద్దుగుమ్మలను తెలుగు తెరకు పరిచయం చేశాడు. ఆ మల్లు బ్యూటీస్ అందంగా ఉండడం.. అద్భుతమైన అభినయ సామర్ధ్యం కలిగి ఉండడమే కాకుండా నానీకి ఆచ్చి రావడంతో తన సినిమాల్లో ఎవరో ఒక మలయాళ ముద్దుగుమ్మ ఉండేలా చూసుకుంటూ వచ్చాడు. ఆ సెంటిమెంట్ ను తన తాజా చిత్రమైన “కృష్ణార్జున యుద్ధం”కు వాడేందుకు సన్నద్ధమవుతున్నాడు నానీ.

మేర్లపాక గాంధీ దర్శకత్వంలో తెరకెక్కుతున్న ఈ చిత్రంలో నాని ద్విపాత్రాభినయం చేస్తుండగా.. ఒక హీరోయిన్ గా మలయాళ చిన్నది అనుపమ పరమేశ్వరన్ ను ఎంపిక చేసినట్లు విశ్వసనీయవర్గాల సమాచారం. తెలుగులో మంచి క్రేజ్ తోపాటు వరుస ప్రొజెక్ట్స్ కూడా ఉన్న అనుపమ ఇప్పుడు నానీ సరసన నటించే అవకాశం సంపాదించడంతో నెక్స్ట్ స్టార్ హీరోయిన్ ఈ చిన్నదే అని ట్రేడ్ వర్గాల సమాచారం.

Also, do SUBSCRIBE to our YouTube channel to get latest Tollywood updates.