తెలుగు, తమిళ భాషల్లో అగ్ర కథానాయికగా కొనసాగుతుంది అనుష్క. ‘భాగమతి’ చిత్రం తర్వాత అనుష్క చాలా గ్యాప్ తీసుకుని ‘నిశ్శబ్దం’ అనే చిత్రంలో నటిస్తుంది. మాధవన్ కూడా ఈ చిత్రంలో కీలక పాత్ర పోషిస్తున్నాడు. తెలుగుతో పాటు తమిళ హిందీ భాషల్లో కూడా ఈ చిత్రం తెరకెక్కుతుంది. కోన వెంకట్ నిర్మిస్తున్న ‘నిశ్శబ్దం’ చిత్రానికి హేమంత్ మధుకర్ దర్శకుడు. తాజాగా యూఎస్ లో ఈ చిత్రానికి సంబంధించి కొన్ని కీలక సన్నివేశాలు తెరకెక్కించారట. దీంతో షూటింగ్ మొత్తం పూర్తయినట్టు తెలుస్తుంది.
త్వరలోనే ప్రమోషన్స్ ను మొదలుపెట్టాలని చిత్ర యూనిట్ సభ్యులు భావిస్తున్నారట. అందరినీ ఆకట్టుకునేలా టీజర్ ను కట్ చేయాలని కోన వెంకట్ ప్లాన్ చేస్తున్నాడట. ఈ చిత్రంలో అనుష్క ఆర్ట్ లవర్ గా కనిపిస్తుండగా.. మాధవన్ ‘సెల్లో’ ప్లేయర్ గా కనిపించబోతున్నాడు. వీరిద్దరి క్యారెక్టర్స్ చాలా ఇంట్రస్టింగ్ గా ఉండబోతున్నాయట. ఈ చిత్రంలో అనుష్క, మాధవన్ లతో పాటు సుబ్బరాజు, అంజలి, షాలిని పాండే తో పాటు ప్రముఖ హాలీవుడ్ నటుడు మైఖేల్ మాడిసన్ కూడా ముఖ్య పోషిస్తున్నాడు.
