Gentleman: ఇండస్ట్రీపై కోపంతో ‘జెంటిల్మెన్’ సినిమాని మొదట రిజెక్ట్ చేశాను

శంకర్ దర్శకత్వంలో అర్జున్ హీరోగా తెరకెక్కిన ‘జెంటిల్మెన్’ సినిమాని అంత ఈజీగా ఎవ్వరూ మర్చిపోలేరు. ఓ సోషల్ ఎలిమెంట్ ను తీసుకుని శంకర్ తెరకెక్కించిన ఆ సినిమాకి ప్రేక్షకులు బాక్సాఫీస్ వద్ద బ్రహ్మరథం పట్టారు. తమిళంలోనే కాకుండా తెలుగు, కన్నడ భాషల్లో కూడా ఈ సినిమా సూపర్ హిట్ అయ్యింది. కొన్ని బెస్ట్ మూవీస్ లిస్ట్ తీస్తే అందులో ‘జెంటిల్మెన్’ కూడా ఉంటుంది అనడంలో సందేహం లేదు.

Gentleman

అలాంటి ‘జెంటిల్మెన్’ ని హీరో అర్జున్ మొదట వద్దనుకున్నారట. ఈ విషయాన్ని స్వయంగా అర్జున్ తెలిపారు.అర్జున్ మాట్లాడుతూ..”ఒకసారి తప్పనిసరి పరిస్థితుల్లో ఓ సినిమా డైరెక్ట్ చేయాల్సి వచ్చింది. మా అమ్మ స్థలం అమ్మి నాకు డబ్బు ఇచ్చారు. ఆ సినిమా నిలబడింది. ఒక ఏరియాలో బిజినెస్ జరగలేదు. అప్పుడు నేనే డబ్బు పెట్టి రిలీజ్ చేసుకున్నాను. అది కూడా వర్కౌట్ అయ్యింది. డిస్ట్రిబ్యూట్ చేయడం వల్ల నాకు రూ.5 లక్షలు డబ్బు మిగిలింది.

అప్పుడు నేను సక్సెస్ఫుల్ డిస్ట్రిబ్యూటర్ అయిపోయాను. తర్వాత నాకు ఇండస్ట్రీ మీద కోపం వచ్చింది. ‘జెంటిల్మెన్’ సినిమాకి అడిగితే నేను చెయ్యను అని చెప్పాను.నేను కష్టాల్లో ఉన్నప్పుడు నాకు ఎవ్వరూ సాయం చేయలేదు. నేను ఎందుకు చేయాలి అనుకున్నాను. అప్పుడు శంకర్ కొత్త కుర్రాడు. నేను కథ కూడా వినను అని చెప్పాను. అయితే శంకర్ ‘ఒకసారి కథ వినండి.. నచ్చకపోతే చెయ్యొద్దు’ అన్నారు.

సరే అతను వదిలేలాలేడు.. ‘సో కథ వినేసి నచ్చలేదు అని చెబుదాం’ అనుకున్నా. కథ విన్నాను. చాలా బాగుంది అనిపించింది. ‘ఈ సినిమా కథ విని బాలేదు అని రిజెక్ట్ చేస్తే నన్ను కొడతారు(నవ్వుతూ) ‘ అని అనుకున్నాను. సరే అని ఆ సినిమా చేయడానికి ఒప్పుకున్నాను. అది సూపర్ హిట్ అయిపోయింది. నాకు స్టేట్ బెస్ట్ యాక్టర్ అవార్డు వచ్చింది. ఆ సినిమా తర్వాత యాక్టర్ గా నా రెస్పాన్సిబిలిటీ పెరిగింది. అప్పటి నుండి జిమ్ కి రెగ్యులర్ గా వెళ్లడం మొదలుపెట్టాను” అంటూ అసలు విషయం చెప్పుకొచ్చారు.

నెగిటివ్ టాక్ తో రెండో రోజు కూడా పర్వాలేదనిపించిన ‘ఫంకీ’ కలెక్షన్లు