Guntur Karam: ‘గుంటూరు కారం’ విషయంలో త్రివిక్రమ్ అలర్ట్ గానే ఉన్నాడు..!

మహేష్ బాబు .. త్రివిక్రమ్ కాంబినేషన్లో మొదట ‘అతడు’ అనే సినిమా వచ్చింది. ‘ఒక్కడు’ టైంలో మహేష్ కి ‘అతడు’ కథ చెప్పాడు త్రివిక్రమ్. కానీ ఆ టైంలో మహేష్ ‘నాని’ ‘అర్జున్’ వంటి సినిమాలకి కమిట్ అయ్యి.. బిజీగా ఉండటంతో.. ఈ గ్యాప్ లో త్రివిక్రమ్ ‘నువ్వే నువ్వే’ అనే లవ్ స్టోరీ చేసొచ్చాడు. లేదంటే త్రివిక్రమ్ ను… మహేష్ డైరెక్టర్ గా చేసినట్టు అయ్యేది. అందుకేనేమో ‘అతడు’ ని త్రివిక్రమ్ చాలా శ్రద్ధగా తీసాడు త్రివిక్రమ్.

2005 లో వచ్చిన ఆ సినిమా డీసెంట్ హిట్ అందుకుంది… కానీ బ్లాక్ బస్టర్ కాదు. దీనికి ఓ కారణం కూడా ఉంది. త్రివిక్రమ్ .. ‘అతడు’ ని చాలా లేట్ గా తీశాడు. షూటింగ్ కి చాలా టైం పట్టింది. రిలీజ్ టైంకి ప్రమోషన్స్ జరగాల్సిన స్థాయిలో జరగలేదు. అందువల్ల ఆ సినిమాకి ఓపెనింగ్స్ భారీగా రాలేదు. కానీ నిలదొక్కుకుని 39 కేంద్రాల్లో 100 రోజులు ఆడింది. ‘ఒక్కడు’ ని మించి సక్సెస్ కాలేకపోయింది.

అయినప్పటికీ టీవీల్లో ఆ సినిమాని ఎగబడి చూశారు. ‘ఖలేజా’ పై భారీ హైప్ పెరగడానికి కూడా అదే కారణం. కానీ ఆ సినిమా విషయంలో కూడా త్రివిక్రమ్ అలాగే చేశాడు. షూటింగ్ డేస్ ఎక్కువ తీసుకున్నాడు. బడ్జెట్ పెరిగిపోయింది. ‘ఆ టైటిల్ ను చూసి ప్రేక్షకులు ఏదో అనుకుని వస్తే.. నేను ఇంకేదో చూపించాను’ అని త్రివిక్రమ్ డైరెక్ట్ గానే చెప్పాడు. ఆ సినిమాకి కూడా ప్రమోషన్ జరగాల్సిన విధంగా జరగలేదు. అందుకే మూడో సినిమా చేయడానికి మహేష్ – త్రివిక్రమ్ చాలా టైం తీసుకున్నారు.

ఫైనల్ గా ‘గుంటూరు కారం’ (Guntur Karam) సెట్స్ పైకి వెళ్ళింది. ఈ సినిమా ప్రమోషన్స్ విషయంలో మాత్రం త్రివిక్రమ్ మొదటి నుండి పర్ఫెక్ట్ ప్లాన్ తో సిద్దమయ్యాడు. తాజాగా గ్లింప్స్ వచ్చింది. మహేష్ ఫ్యాన్స్ తో పాటు మాస్ అభిమానులను కూడా అలరించేలా ఈ గ్లింప్స్ ఉంది. పల్లెటూరి బ్యాక్ డ్రాప్ లో సాగే మాస్ అండ్ ఫ్యామిలీ ఎంటర్టైనర్ ఇది. కానీ గ్లింప్స్ మాత్రం పక్కా మాస్ యాంగిల్ లో ఉంది. ఈసారి మాత్రం త్రివిక్రమ్ – మహేష్ లు పెద్ద థియేట్రికల్ సక్సెస్ అందుకునే అవకాశం ఉంది.

మేమ్ ఫేమస్ సినిమా రివ్యూ & రేటింగ్!
సత్తిగాని రెండెకరాలు సినిమా రివ్యూ & రేటింగ్!

మళ్ళీ పెళ్లి సినిమా రివ్యూ & రేటింగ్!
‘డాడీ’ తో పాటు చిరు – శరత్ కుమార్ కలిసి నటించిన సినిమాల లిస్ట్..!