బాహుబలి కంక్లూజన్ ఆడియో రిలీజ్ వేడుకను ఈ ఆదివారం వైభవంగా నిర్వహించాలని రాజమౌళి బృందం ఏర్పాట్లు చేస్తోంది. హైదరాబాద్ లోని రామోజీ ఫిలిం సిటీలో మాహిష్మతి సెట్ లో వేదికను సిద్ధం చేసింది. మరో మూడు రోజుల్లో ఈ ఫంక్షన్ ఉందనగా ప్రీ రిలీజ్ ఫంక్షన్ మాట బయటికి వచ్చింది. ఈ మధ్య టాలీవుడ్ లో సినిమాలకు ఆడియో వేడుకలు కాకుండా, ప్రీ రిలీజ్ ఫంక్షన్ లు చేయడం అలవాటు అయింది. సో బాహుబలి 2 కూడా ఆడియో వేడుక కాకుండా ప్రీ రిలీజ్ కార్యక్రమం చేయాలనీ జక్కన్న డిసైడ్ అయినట్లు ఫిల్మ్ నగర్ వాసులు చెబుతున్నారు. ఈ వార్త నిజమయితే ఈ మూడు రోజుల్లో బాహుబలి పాటలు యూట్యూబ్ లో కొన్ని రిలీజ్ అయ్యే అవకాశం ఉందని సినీ విశ్లేషకులు అంచనా వేస్తున్నారు.
వారం క్రితం విడుదలయిన ఈ మూవీ ట్రైలర్ రికార్డులన్నిటినీ బద్దలు కొట్టుకొని దూసుకుపోతోంది. కోట్లల్లో వ్యూస్, లక్షల్లో లైక్స్ అందుకుని రిలీజ్ కి ముందే ఆదాయం తెచ్చి పెట్టింది. కీరవాణి స్వరపరిచిన పాటలకు కూడా లాభాలు రావాలని రాజమౌళి ఈ ప్లాన్ వేసినట్లు భావిస్తున్నారు. యధావిధిగా ఆడియో రిలీజ్ వేదికపైనే పేరు మార్చి వేడుకను నిర్వహించనున్నారు.
Also, do SUBSCRIBE to our YouTube channel to get latest Tollywood updates.
