పవన్ కళ్యాణ్ సినిమాలో బాహుబలి ట్రైలర్

యంగ్ రెబల్ స్టార్ ప్రభాస్ ద్విపాత్రాభినయం చేసిన బాహుబలి కంక్లూజన్ కి ఉన్న క్రేజ్ ను దృష్టిలో పెట్టుకుంటే అసలు దానికి ప్రచారమే అవసరం లేదు. కానీ దర్శకధీరుడు ఎస్..ఎస్.రాజమౌళి ప్రపంచవ్యాప్తంగా ఉన్న సినీ అభిమానులు బాహుబలి 2  గురించి చర్చించుకునేలా పబ్లిసిటీ చేస్తున్నారు. మరో రెండు రోజుల్లో ఈ మూవీ ట్రైలర్ రిలీజ్ కానుంది. ముందుగా థియేటర్లోనే రిలీజ్ చేయనున్నారు. ఇక అప్పటి నుంచి సినిమా విడుదల అంటే ఏప్రిల్ 28 వరకు కంక్లూజన్ ట్రైలర్ అభిమానులను అలరించనుంది. ఈనెల 24 న పవన్ కళ్యాణ్ సినిమా కాటమరాయుడు అత్యధిక థియేటర్లో రిలీజ్ కానుంది.

ఈ సినిమాపై కూడా మంచి క్రేజ్ ఉంది. సో కాటమరాయుడు ప్రదర్శితమయ్యే ప్రతి థియేటర్లోనూ బాహుబలి 2  ట్రైలర్ ప్రదర్శించేలా రాజమౌళి ఏర్పాట్లు చేసినట్లు తెలిసింది. ఈ మూవీ ఏప్రిల్ 28  వరకు థియేటర్లో ఉండడం ఖాయమని నమ్మిన జక్కన్న ఈ ప్లాన్ వేసినట్లు ట్రేడ్ వర్గాల వారు భావిస్తున్నారు. ఈ రూపంలో పవన్ బాహుబలి 2 కి ప్రమోషన్ చేస్తున్నారు.

Also, do SUBSCRIBE to our YouTube channel to get latest Tollywood updates.