టాలీవుడ్ స్టార్ హీరోలలో ఒకరైన బాలకృష్ణ ఈ మధ్యకాలంలో సినిమాల విషయంలో వేగం పెంచారు. 2022 సంవత్సరంలో బాలయ్య నటించిన ఒక్క సినిమా కూడా థియేటర్లలో విడుదల కాలేదు. అయితే 2023 సంవత్సరంలో మాత్రం బాలయ్య నటించిన రెండు సినిమాలు థియేటర్లలో విడుదల కానున్నాయి. బాలయ్య గోపీచంద్ కాంబో మూవీ మరో పది రోజుల్లో థియేటర్లలో రిలీజ్ కానున్న సంగతి తెలిసిందే. బాలయ్య అనిల్ రావిపూడి కాంబో మూవీ ఇప్పటికే ఫస్ట్ షెడ్యూల్ ను పూర్తి చేసుకుంది.
సమ్మర్ టార్గెట్ గా షూట్ జరుపుకుంటున్న ఈ సినిమా ఈ ఏడాది ఫస్ట్ హాఫ్ లోనే థియేటర్లలో రిలీజయ్యే అవకాశాలు అయితే ఉన్నాయి. ఈ సినిమా షూట్ పూర్తైన తర్వాత బాలయ్య బోయపాటి శ్రీను కాంబినేషన్ లో ఒక సినిమా తెరకెక్కనుంది. 14 రీల్స్ బ్యానర్ పై అత్యంత భారీ బడ్జెట్ తో ఈ సినిమా తెరకెక్కనుంది. 2024 ఎన్నికలకు ముందే ఈ సినిమా థియేటర్లలో విడుదలయ్యే అవకాశం ఉంది. 16 నెలల్లో ఏకంగా 3 సినిమాలు విడుదలయ్యే విధంగా బాలయ్య కెరీర్ ను ప్లాన్ చేసుకుంటున్నారు.
సినిమాల విషయంలో బాలయ్య వేగం పెంచడంతో ఫ్యాన్స్ ఎంతగానో సంతోషిస్తున్నారు. బాలయ్య 12 కోట్ల రూపాయల నుంచి 20 కోట్ల రూపాయల రేంజ్ లో సినిమాను బట్టి రెమ్యునరేషన్ ను తీసుకుంటున్నారు. బాలయ్యకు క్లాస్ ప్రాజెక్ట్ లతో పోల్చి చూస్తే మాస్ ప్రాజెక్ట్ లతో సక్సెస్ వస్తుండటంతో బాలయ్య సైతం మాస్ ప్రాజెక్ట్ లకే ఎక్కువగా ప్రాధాన్యతనిస్తున్నారు.
అఖండ మూవీతో బాలయ్య మార్కెట్ పెరగడంతో బాలయ్య సినిమాలన్నీ 100 కోట్ల రూపాయల కంటే ఎక్కువ బడ్జెట్ తో తెరకెక్కుతున్నాయి. బాలయ్య సినిమాలకు రికార్డ్ స్థాయిలో బిజినెస్ జరుగుతోంది. వరుసగా విజయాలు సాధించేలా బాలయ్య కెరీర్ ను ప్లాన్ చేసుకుంటున్నారు.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
