వైరల్‌: ‘వీర సింహారెడ్డి’ డైలాగ్‌తో అదరగొట్టిన ఆర్యవీర్‌

నందమూరి కుటుంబం బ్లడ్‌లోనే సినిమా ఉందా? ఇదేం డౌట్ అని అంటారా? ఎందుకంటే ఇప్పటివరకు ఆ కుటుంబం నుండి వచ్చిన వాళ్లు, ఆ కుటుంబంతో రిలేషన్‌లో ఉన్నవాళ్లు నటనలో అదరగొడుతున్నారు. ఈ క్రమంలో మరో తరం కూడా సిద్ధమైందా? అవుననే అనిపిస్తోంది ‘వీర సింహా రెడ్డి’ ప్రీ రిలీజ్‌ ఈవెంట్‌లో చూపించిన ఓ వీడియో చూసి. సినిమాలో కీలకమైన డైలాగ్‌ను ఓ చిట్టి సూపర్‌ హీరో చెప్పాడు. ఆ సీన్‌కి డైరక్షన్‌ చేసింది ఎవరో కాదు నందమూరి నటసింహం బాలకృష్ణ.

‘వీర సింహా రెడ్డి’ ప్రీ రిలీజ్‌ ఈవెంట్‌లో భాగంగా యాంకర్‌ సుమ.. అక్కడి స్క్రీన్‌ మీద ఓ వీడియో ప్లే చేశారు. ఆ ఈవెంట్‌ను ఫాలో అయిన వాళ్లకు ఆ వీడియో ఎవరిదో తెలిసే ఉంటుంది. బాలకృష్ణ మనవడు, తేజస్విని కుమారుడు ఆర్యవీర్‌ ఆ వీడియోలో కనిపించాడు. అంతేకాదు ‘వీర సింహా రెడ్డి’ సినిమాలోని ‘భయం నా బయోడేటాలో లేదురా… —డీకే’ అనే డైలాగ్‌ను రీక్రియేట్‌ చేశాడు. అయితే డైలాగ్‌కి ముందు ‘యాక్షన్‌’ అంటూ ఓ గంభీరమైన గొంతు వినిపిచింది. అది ఇంకెవరో కాదు బాలయ్యనే.

ఇప్పుడు ఈ మొత్తం వ్యవహారం వీడియో సోషల్‌ మీడియాలో వైరల్‌గా మారింది. దీంతో బాలయ్య అభిమానులు తెగ ఖుషీ అయిపోతున్నారు. మా హీరో మనవడు అదుర్స్‌ అంటూ ఆ వీడియోను షేర్‌ చేస్తున్నారు. సినిమా డైలాగ్‌లను ఇలా చెప్పించడం సరదాగానే అనిపించొచ్చు. అయితే ఆ డైలాగ్‌ కాస్త పద్ధతిగా ఉంటే మంచిది. గత కొన్ని నెలల క్రితం వరకు ఆ డైలాగ్‌లోని ఆఖరి పదం గురించి పెద్దగా ఎవరికీ తెలియదు.

అయితే ఏపీ సీఎం వైఎస్‌ జగన్‌ మోహన్‌ రెడ్డిని ఉద్దేశించి ఓ టీడీపీ నేత ఈ మాట అన్నప్పుడు దాని అసలు అర్థం బయటకు వచ్చింది. అలాంటి పదం ఉన్న డైలాగ్‌ సినిమాలో పెట్టడం ఎందుకు అనేది మనం చెప్పలేం. అయితే ఆ మాట పిల్లలతో అనిపించడం ఏమంత మంచి పనికాదు అనే కామెంట్స్‌ కూడా వినిపిస్తున్నాయి. అయితే సరదాను సరదాగా తీసుకోవాలని కొంతమంది సూచిస్తున్నారు.

8 సార్లు ఇంటర్నేషనల్ అవార్డ్స్ తో తెలుగు సినిమా సత్తాను ప్రపంచవ్యాప్తంగా చాటిన రాజమౌళి!
2022 విషాదాలు: ఈ ఏడాది కన్నుమూసిన టాలీవుడ్ సెలబ్రటీల లిస్ట్..!

రోజా టు త్రిష.. అప్పట్లో సంచలనం సృష్టించిన 10 మంది హీరోయిన్ల ఫోటోలు, వీడియోలు..!
హిట్-ప్లాప్స్ తో సంబంధం లేకుండా అత్యధిక వసూళ్లు సాధించిన పది రవితేజ సినిమాలు!