Allu Arha: తెలుగు ఇంకో నాలుగు కాలాల పాటు చల్లగా బ్రతుకుతుందనిపిస్తుంది!

బాలయ్య హోస్ట్ చేస్తున్న ‘అన్ స్టాపబుల్’ టాక్ షో ఎంత పెద్ద సూపర్ హిట్ అయ్యిందో అందరికీ తెలుసు. సక్సెస్ ఫుల్ గా 3 సీజన్లు ముగిశాయి. ఇప్పుడు 4వ సీజన్ నడుస్తుంది. ఇందులో భాగంగా ఐకాన్ స్టార్ అల్లు అర్జున్ (Allu Arjun) తో ఓ క్రేజీ ఎపిసోడ్ ప్లాన్ చేసింది టీం. ఇది 2 ఎపిసోడ్స్ గా రిలీజ్ చేస్తున్నట్టు టీం ప్రకటించింది. మొదటి ఎపిసోడ్ ఆల్రెడీ రిలీజ్ అయ్యింది .రెండో ఎపిసోడ్ నవంబర్ 22 నుండి స్ట్రీమింగ్ కానుంది. తాజాగా ప్రోమోని విడుదల చేశారు.

Allu Arha

ఇందులో అల్లు అర్జున్ పిల్లలు అయినటువంటి అల్లు అయాన్, అల్లు అర్హ (Allu Arha)..లు ఎంట్రీ ఇచ్చి అందరినీ సర్ప్రైజ్ చేశారు. ఆ తర్వాత అర్హకి తెలుగు వచ్చా అని బాలయ్య (Nandamuri Balakrishna).. అల్లు అర్జున్ ని ప్రశ్నించాడు. ‘వచ్చా.. అని అడుగుతున్నారా?’ అన్న వెంటనే అర్హకి అల్లు అర్జున్ సిగ్నల్ ఇవ్వగా.. వెంటనే గుక్క తిప్పుకోకుండా ఓ పద్యం చెప్పింది. ఆ పాప పద్యం చెబుతున్నంత సేపు బాలయ్య షాక్ అయ్యి అలా చూస్తూనే ఉండిపోయాడు. వెంటనే అర్హని దగ్గరకు తీసుకుని..

అర్హని చూస్తుంటే ‘తెలుగు ఇంకో 4 కాలాల పాటు చల్లగా బ్రతుకుతుందనిపిస్తుంది’ అంటూ ప్రశంసించాడు. నిజంగా అర్హ పద్యం చెప్పిన తీరు అందరినీ ఫిదా చేసే విధంగా ఉంది. సెకండ్ క్లాస్ కే ఆ రేంజ్ మెమరీ పవర్ ఉండటం మామూలు విషయం కాదు. అర్హ చాలా యాక్టివ్ గా ఉంటుంది. అప్పుడే ఆమె గుణశేఖర్ (Gunasekhar) తెరకెక్కించిన ‘శాకుంతలం’ (Shaakuntalam) సినిమాలో నటించి మెప్పించిన సంగతి తెలిసిందే. అలాగే అర్హతో (Allu Arha) కలిసి అల్లు అర్జున్ చేసే వీడియోలు కూడా సోషల్ మీడియాలో బాగా వైరల్ అవుతూ ఉంటాయి.

తెలుగు ఇంకో నాలుగు కాలాల పాటు చల్లగా బ్రతుకుతుందనిపిస్తుంది!