Balakrishna: షూటింగ్స్ కి బాలయ్య బ్రేక్..!

నందమూరి బాలకృష్ణ ఈ సంక్రాంతికి ‘వీరసింహారెడ్డి’ సినిమాతో ప్రేక్షకుల ముందుకొచ్చారు. ఈ సినిమా మాస్ ఆడియన్స్ కి బాగా కనెక్ట్ అయింది. వరుస సినిమాలు ఒప్పుకుంటూ కెరీర్ పరంగా దూసుకుపోతున్నారు బాలయ్య. షూటింగ్ ల విషయంలో ఆయన స్పీడ్ చూసి యంగ్ హీరోలు కూడా షాకైపోతున్నారు. గ్యాప్ తీసుకోకుండా షూటింగ్స్ చేయాలనేది బాలయ్య పాలసీ. అలాంటి హీరో షూటింగ్ పెట్టుకుందామా..? అని అడిగిన నిర్మాతలకు నో చెప్పారట. కొత్త షెడ్యూల్ ఎప్పుడు పెట్టుకుందామని అడిగిన నిర్మాతలకు తొందరేం లేదని ఇంటికి పంపించేశారట.

దీనికొక కారణం ఉంది. అదేంటంటే.. బాలయ్య సోదరుడి కుమారుడు తారకరత్న ప్రస్తుతం హాస్పిటల్ లో ట్రీట్మెంట్ తీసుకుంటున్నారు. ఈ విషయం బాలయ్య దగ్గరుండి అన్నీ చూసుకుంటున్నారు. తారకరత్న ఆరోగ్యం గురించి బాలయ్య ఆందోళన చెందుతున్నారు. అందుకే ఇప్పట్లో షూటింగ్స్ వద్దని క్యాన్సిల్ చేసుకున్నట్లు తెలుస్తోంది. ఫిబ్రవరి మొదటివారం నుంచి అనిల్ రావిపూడి సినిమా షూటింగ్ లో పాల్గొనాలి బాలయ్య. దానికి తగ్గట్లే దర్శకనిర్మాతలు షూటింగ్ ప్లాన్ చేసుకున్నారు.

కానీ బాలయ్య మాత్రం షూటింగ్ వద్దు, నెలాఖరు వరకు ఆగండని చెప్పారట. దాంతో ఈ సినిమా పనులు ఆగిపోయాయట. ఈ సినిమాలో బాలయ్య సరసన కాజల్ హీరోయిన్ గా కనిపించనుందని సమాచారం. అలానే బాలయ్య కూతురిగా శ్రీలీల కనిపించనుంది. సినిమాలో బాలయ్య రోల్ చాలా డిఫరెంట్ గా ఉంటుందని చెబుతున్నారు. ఇప్పటివరకు బాలయ్యను వెండితెరపై ఎవరూ చూపించని విధంగా అనిల్ రావిపూడి చూపించబోతున్నారు.

అనిల్ రావిపూడి అంటే కామెడీ ఉంటుందని జనాలు ఆశిస్తారు కానీ ఈ సినిమా మొత్తం సీరియస్ మోడ్ లో సాగుతుందట. ఈ సినిమా విషయంలో దర్శకుడు అనిల్ రావిపూడి చాలా ఎగ్జైటెడ్ గా ఉన్నారు.

అమిగోస్ సినిమా రివ్యూ & రేటింగ్!
పాప్ కార్న్ సినిమా రివ్యూ & రేటింగ్!

వేద సినిమా రివ్యూ & రేటింగ్!
యూ.ఎస్ లో టాప్ గ్రాసర్స్ గా నిలిచిన 10 టాలీవుడ్ సినిమాలు..!