ఎట్టకేలకు రూలర్ గా మారిన బాలయ్య !

బాలకృష్ణ తదుపరి చిత్రం టైటిల్ “రూలర్” అనే హెడ్డింగ్ తో ఇప్పటికే వెబ్ సైట్లలో, యూట్యూబ్ చానల్స్ తో వందలకొద్దీ వార్తలు చూసుంటారు సినిమా అభిమానులు. మాస్ లో మంచి ఫాలోయింగ్ ఉండే బాలయ్యకి “రూలర్” అనే టైటిల్ మంచి యాప్ట్ కూడా.. అందుకే ఆయన అభిమానులు కూడా బాలయ్య చిత్రానికి “రూలర్” అనే టైటిల్ పెడితే బాగుండు అని ఎదురుచూస్తుంటారు. “లెజండ్” మొదలుకొని.. “డీకేట్టర్” వరకూ చాలా సినిమాలకు “రూలర్” అనే టైటిల్ మొదట్లో వినిపించినప్పటికీ.. అవి ఫైనల్ అవ్వలేదు. దాంతో నందమూరి అభిమానులు కాస్త నిరాశ చెందారు.

అయితే.. తాజా సమాచారం ప్రకారం బాలయ్య 102వ చిత్రంగా తెరకెక్కనున్న సినిమాకు “రూలర్” అనే టైటిల్ ను ఫిక్స్ చేసినట్లు తెలుస్తోంది. కె.ఎస్.రవికుమార్ దర్శకత్వంలో అత్యంత ప్రతిష్టాత్మకంగా తెరకెక్కనున్న ఈ చిత్రానికి సి.కళ్యాణ్ తన బ్యానర్ లో “రూలర్” అనే టైటిల్ ను రిజిష్టర్ చేయించాడట. ఈ వార్త తెలిసేసరికి అందరిలోనూ ఆనందం పెల్లుబికింది.

Also, do SUBSCRIBE to our YouTube channel to get latest Tollywood updates.