Buddy: బడ్డీ సినిమాకు ఆ సీన్స్ హైలెట్ కానున్నాయా.. ఏం జరిగిందంటే?

అల్లు శిరీష్ (Allu Sirish) హీరోగా తెరకెక్కిన బడ్డీ (Buddy) మూవీపై ఒకింత భారీ స్థాయిలోనే అంచనాలు నెలకొన్నాయనే సంగతి తెలిసిందే. మొదట జులై నెల 26వ తేదీన ఈ సినిమాను రిలీజ్ చేయాలని భావించినా ఆ తర్వాత ఈ సినిమాను ఆగష్టు నెల 2వ తేదీకి వాయిదా వేయడం జరిగింది. అల్లు శిరీష్ ఈ సినిమాతో కచ్చితంగా హిట్ సాధిస్తారని ఫ్యాన్స్ భావిస్తున్నారు. ఈ సినిమా టెడ్డీ మూవీ రీమేక్ అని ప్రచారం జరిగినా ఆ ప్రచారంలో ఏ మాత్రం నిజం లేదని క్లారిటీ వచ్చేసింది.

అయితే బడ్డీ సినిమాలో బాలయ్య రిఫరెన్స్ ఉండనుందని సమాచారం అందుతోంది. ఫిక్షనల్ కాన్సెప్ట్ తో ఈ సినిమా తెరకెక్కగా సామ్ ఆంటోన్ ఈ సినిమాకు డైరెక్టర్ గా పని చేశారు. ఈ సినిమాలో అల్లు శిరీష్ ఫ్లైట్ కెప్టెన్ పాత్రలో కనిపించనున్నారు. ఇప్పటికే బడ్డీ సినిమాకు సంబంధించి వచ్చిన అప్ డేట్స్ ప్రేక్షకులను ఎంతగానో ఆకట్టుకోవడం కొసమెరుపు. కథ, కథనం అద్భుతంగా ఉంటే ఈ సినిమా కచ్చితంగా ప్రేక్షకులను మెప్పిస్తుంది.

సినిమాలో జై బాలయ్య (Balakrishna) స్లోగన్ వినిపిస్తుందని ఒక యాక్షన్ సీన్ సమయంలో ఈ స్లోగన్ వినిపించడంతో పాటు భగవంత్ కేసరి (Bhagavanth Kesari) థీమ్ మ్యూజిక్ కూడా వినిపించనుందని భోగట్టా. హిప్ హాప్ తమిళ ఈ సినిమాకు మ్యూజిక్ అందిస్తున్నారు. బడ్డీ సినిమా కాన్సెప్ట్ కూడా అద్భుతంగా ఉండనుందని భోగట్టా. ఒకింత భారీ బడ్జెట్ తోనే ఈ సినిమా తెరకెక్కిందని సమాచారం అందుతోంది.

బడ్డీ సినిమాలో యాక్షన్ సీన్స్ సైతం స్పెషల్ గా ఉండనున్నాయని తెలుస్తోంది. చాలా కాలం గ్యాప్ తర్వాత అల్లు శిరీష్ నటించి రిలీజ్ అవుతున్న సినిమా కావడంతో అల్లు ఫ్యాన్స్ ఈ సినిమా కోసం ఆసక్తిగా ఎదురుచూస్తున్నారు. బడ్డీ సినిమాలో గ్రాఫిక్స్ కు కూడా ప్రాధాన్యత ఎక్కువగానే ఉండనుందని సమాచారం అందుతోంది. బడ్డీ సినిమా బుకింగ్స్ త్వరలో మొదలుకానున్నాయి.